₹5.24 લાખની સ્ટેમ્પ ડ્યુટી અને રજિસ્ટ્રેશન ફી ભરી સોદો ફાઇનલ કર્યો; જાણો નવા ઘરની ખાસિયતો

સેલેબ્સની પહેલી પસંદ હવે અંધેરી-વર્સોવા; તબુના નવા ફ્લેટની વિગતો આવી સામે

 બે કાર પાર્કિંગ અને આધુનિક ઇન્ફ્રાસ્ટ્રક્ચર; સ્ટાર્સ હવે જૂહુ-બાંદરાના બદલે વર્સોવા તરફ વળ્યા

મુંબઈ: બોલીવુડની દિગ્ગજ અભિનેત્રી તબુએ મુંબઈના રિયલ એસ્ટેટ માર્કેટમાં મોટું રોકાણ કર્યું છે. પ્રાપ્ત વિગતો અનુસાર, તબુએ મુંબઈના પોશ ગણાતા વર્સોવા વિસ્તારમાં ૧૦ કરોડ રૂપિયાની કિંમતનો એક આલિશાન ફ્લેટ ખરીદ્યો છે. આ સોદા માટે તેણે ૫.૨૪ લાખ રૂપિયા સ્ટેમ્પ ડ્યુટી અને ૩૦ હજાર રૂપિયા રજિસ્ટ્રેશન ફી પેટે ચૂકવ્યા છે.

આધુનિક સુવિધાઓથી સજ્જ આશિયાનું તબુનો આ નવો ફ્લેટ ૨૧૫૩ ચોરસ ફૂટનો છે, જેની સાથે તેને ૧૨૭ ચોરસ ફૂટની વિશાળ બાલ્કની પણ મળી રહી છે. આ ઉપરાંત, આ પ્રોપર્ટી સાથે તેને બે કાર પાર્કિંગની સુવિધા પણ ઉપલબ્ધ કરાવવામાં આવી છે. વર્સોવા વિસ્તારમાં દરિયાકિનારાની નજીક હોવાને કારણે આ પ્રોપર્ટીનું મૂલ્ય ભવિષ્યમાં હજુ વધવાની શક્યતા છે.

સેલેબ્સની બદલાતી પસંદ સામાન્ય રીતે બોલીવુડ કલાકારો જૂહુ કે બાંદરા જેવા વિસ્તારોમાં રહેવાનું પસંદ કરતા હોય છે. જોકે, છેલ્લા કેટલાક સમયથી અંધેરી વેસ્ટ અને વર્સોવા જેવા વિસ્તારો રેસિડેન્શિયલ અને કોમર્શિયલ રોકાણ માટે હોટસ્પોટ બન્યા છે. તબુ સિવાય અન્ય ઘણા નામી કલાકારોએ પણ આ વિસ્તારમાં પોતાની પ્રોપર્ટી વસાવી છે, જે દર્શાવે છે કે બોલીવુડનું કેન્દ્ર હવે ધીમે ધીમે શિફ્ટ થઈ રહ્યું છે.