• વડાપ્રધાન નરેન્દ્ર મોદી 11 ડિસેમ્બરે કેનેડા જશે.

• ભારત અને કેનેડા વચ્ચે વેપાર સમજૂતી થશે.

• બંને દેશો વચ્ચે વાર્ષિક 7 લાખ કરોડ વેપાર લક્ષ્ય.

• માર્ક કાર્નીના વડાપ્રધાન બન્યા બાદ સંબંધોમાં સુધારો.

સિટી ન્યુઝ @ નવી દિલ્હી

વડાપ્રધાન નરેન્દ્ર મોદી આગામી ૧૧ થી ૧૨ ડિસેમ્બરે કેનેડાના સત્તાવાર પ્રવાસે જશે, જ્યાં બંને દેશો વચ્ચે વ્યાપક વેપાર કરાર (CEPA) અંગે મહત્વપૂર્ણ વાટાઘાટો થશે અને આ કરાર પર હસ્તાક્ષર થવાની પણ પૂરી શક્યતા છે. ભારત અને કેનેડા આગામી ૨૦૩૦ સુધીમાં પરસ્પર વેપાર વધારીને વાર્ષિક ૭ લાખ કરોડ રૂપિયા સુધી પહોંચાડવા માંગે છે, જ્યારે હાલમાં બંને દેશો વચ્ચે આશરે ૩ લાખ કરોડ રૂપિયાનો વેપાર થાય છે.

અમેરિકાના રાષ્ટ્રપતિ ટ્રમ્પના ટેરિફ દબાણ વચ્ચે કેનેડા નવા વેપારી બજારો શોધી રહ્યું છે, ત્યારે પીએમ મોદીનો આ પ્રવાસ અત્યંત મહત્વનો માનવામાં આવી રહ્યો છે. અગાઉ ૨૦૨૩માં હરદીપ સિંહ નિજ્જરની હત્યાને લઈને બંને દેશોના સંબંધોમાં ભારે તણાવ સર્જાયો હતો, પરંતુ માર્ક કાર્ની કેનેડાના વડાપ્રધાન બન્યા બાદથી દ્વિપક્ષીય સંબંધોમાં સુધારો લાવવાના પ્રયાસો ઝડપી બન્યા છે. સૂત્રોના જણાવ્યા અનુસાર, ડિસેમ્બરમાં પીએમ મોદી કેનેડા ઉપરાંત અમેરિકા (ફ્લોરિડામાં જી-૨૦ સમિટ) અને બેલ્જિયમની પણ મુલાકાત લઈ શકે છે.

વડાપ્રધાનના વિદેશ પ્રવાસથી આર્થિક મોરચે મોટા સમીકરણો બદલાશે
વડાપ્રધાન નરેન્દ્ર મોદી આગામી ૧૧-૧૨ ડિસેમ્બરે કેનેડાની મુલાકાતે જશે, જ્યાં બંને દેશો વચ્ચે વેપાર કરાર (CEPA) પર મહત્વની ચર્ચા થશે. અમેરિકી ટેરિફ દબાણ વચ્ચે કેનેડા નવા બજારો શોધી રહ્યું છે, ત્યારે ભૂતકાળના તણાવ પાછળ છોડીને બંને દેશો વેપાર અને આર્થિક સહયોગ વધારવા માટે સક્રિય બન્યા છે.