• અષ્ટમી અને નવમી પર દીવા પ્રગટાવવાનું મહાત્મ્ય.

• મુખ્ય દરવાજા પર દીવો કરવાથી આર્થિક કષ્ટ મટે.

• તુલસીના છોડ પાસે ઘીનો દીવો અચૂક પ્રગટાવો.

સિટી ન્યુઝ @ અમદાવાદ

નવરાત્રીના પાવન પર્વ દરમિયાન મહાઅષ્ટમી અને મહાનવમી તિથિનું વિશેષ ધાર્મિક મહત્વ રહેલું છે. અષ્ટમીના દિવસે માતા મહાગૌરી અને નવમીના દિવસે માતા સિદ્ધિદાત્રીની પૂજા-આરાધના કરવામાં આવે છે. આ પવિત્ર દિવસોમાં ઘરમાં કેટલાક વિશેષ સ્થાનો પર દીવા પ્રગટાવવાથી માતા દુર્ગાની કૃપા પ્રાપ્ત થાય છે અને ઘરમાં સુખ-સમૃદ્ધિનો વાસ થાય છે:

૧. ઘરના મુખ્ય દરવાજા પર: સાંજે મુખ્ય દરવાજા પર દીવો પ્રગટાવવાથી ઘરમાં સકારાત્મક ઉર્જાનો પ્રવેશ થાય છે અને દેવી લક્ષ્મી તથા દેવી દુર્ગાના આશીર્વાદથી આર્થિક સમસ્યાઓ દૂર થાય છે. (ખાસ ધ્યાન રાખવું કે દીવાની જ્યોત ઉત્તર દિશા તરફ હોય).

૨. તુલસીના છોડ પાસે: સવાર અને સાંજની પૂજા પછી તુલસી પાસે ઘીનો દીવો પ્રગટાવવાથી ઘરમાં હંમેશાં પવિત્ર અને સકારાત્મક વાતાવરણ જળવાઈ રહે છે.

૩. ઘરનો ઉત્તર-પૂર્વ ખૂણો (ઈશાન ખૂણો): વાસ્તુ શાસ્ત્ર મુજબ આ ખૂણામાં દીવો પ્રગટાવવો અત્યંત શુભ માનવામાં આવે છે, જેનાથી સકારાત્મક પરિણામો અને દેવી માતાના આશીર્વાદ પ્રાપ્ત થાય છે.

૪. તિજોરી કે રોકડ ડ્રોઅર પાસે: ધન અને સમૃદ્ધિની જાળવણી માટે તિજોરી કે કબાટ પાસે દીવો પ્રગટાવવાથી ખજાનો હંમેશાં ભરેલો રહે છે.

૫. ઘરની સીડી પાસે: સાંજના સમયે સીડી પાસે દીવો પ્રગટાવવાથી ઘરની નકારાત્મક ઉર્જા દૂર થાય છે.

સાચા ભાવથી પ્રગટાવેલો દીવો જીવનમાં અજવાસ લાવશે!