• 26 વર્ષની શાનદાર સેવા બાદ હાથીની ભવ્ય વિદાય!

• મૈસુરના આંગણે અભિમન્યુની અંતિમ સવારી, લોકો ભાવુક!

• દશેરાના ઉત્સવમાં એક યુગનો અંત, અભિમન્યુ થશે નિવૃત્ત!

 સિટી ન્યુઝ @ મૈસુર

વિશ્વપ્રસિદ્ધ મૈસુર દશેરા ઉત્સવમાં આ વખતે ‘જંબો સવારી’માં ૬૧ વર્ષનો પ્રખ્યાત હાથી ‘અભિમન્યુ’ છેલ્લી વખત જોવા મળશે. અભિમન્યુ છેલ્લા ૨૬ વર્ષથી આ શાહી યાત્રાનો અભિન્ન હિસ્સો રહ્યો છે અને તે વર્ષ ૨૦૦૦થી સતત ૭૫૦ કિલો વજનનો સોનાનો હૌદા (હાથીની પીઠ પર મૂકવામાં આવતું વિશેષ આસન કે પાલખી) ઉપાડીને માતા ચામુંડેશ્વરીની પવિત્ર યાત્રાની આગેવાની કરતો આવ્યો છે.

ડીસીએફ ડૉ. આઈ.બી. પ્રભુ ગૌડાના જણાવ્યા અનુસાર, નિયમો મુજબ અભિમન્યુ ગયા વર્ષે જ નિવૃત્ત થઈ ચૂક્યો છે, પરંતુ મૈસુરના લોકોની વિશેષ વિનંતીને માન આપીને તેને આ વિદાય સરઘસની આગેવાની કરવાની મંજૂરી આપવામાં આવી છે. આ અલવિદા ક્ષણને લઈને મહેલ સહિત સમગ્ર મૈસુરના લોકો અત્યંત ભાવુક છે, અને આ યાત્રા બાદ તેને મથિગોડુ હાથી શિબિરમાં મોકલી દેવામાં આવશે.

આગામી ૨૧ ઑક્ટોબર સુધી ચાલનારા આ ભવ્ય દશેરા ઉત્સવના સમાપન સમારોહ માટે નવા હાથીઓને રેતીની બોરીઓ અને લાકડાના હૌદા સાથે ખાસ અભ્યાસ કરાવવામાં આવી રહ્યો છે. કર્ણાટકના મુખ્યમંત્રી ડી.કે. શિવકુમારે ગુરુવારે જાહેરાત કરી છે કે આ વર્ષના મૈસુરુ દશેરામાં 'કમ્બાલા' અને 'તુલુનાડુ'ની સાંસ્કૃતિક ઝાંખીનો પણ વિશેષ સમાવેશ કરવામાં આવશે.