મોદી અલ્બાનિઝની મોટી જાહેરાત, 12 Decemberએ રેનેગેડ્સ સ્કોર્ચર્સ ટકરાશે

 ચેપોક ખાતે ઐતિહાસિક મુકાબલો, રમતગમત રોડમેપ પણ જાહેર

 મેલબોર્ન હોમ ટીમ બનશે, ભારત ઓસ્ટ્રેલિયા સંબંધોને નવી ઊંચાઈ

સિટી ન્યુઝ @ ચેન્નાઈ

ભારત અને ઓસ્ટ્રેલિયા વચ્ચેના રમતગમત સંબંધોમાં ઐતિહાસિક અધ્યાય ઉમેરાવા જઈ રહ્યો છે. બિગ બૅશ લીગની 2026-27 સીઝનની શરૂઆત ભારતમાં થશે. ઓસ્ટ્રેલિયાના વડાપ્રધાન એન્થની અલ્બાનિઝે શુક્રવારે ભારત મુલાકાતના અંતિમ દિવસે વડાપ્રધાન નરેન્દ્ર મોદી સાથે આ મોટી જાહેરાત કરી હતી. BBLના ઇતિહાસમાં પ્રથમ વાર ઓસ્ટ્રેલિયા બહાર મેચ રમાશે. 12 Decemberએ ચેન્નાઈના એમ.એ. ચિદમ્બરમ સ્ટેડિયમ ખાતે મેલબોર્ન રેનેગેડ્સ અને પર્થ સ્કોર્ચર્સ વચ્ચે ઓપનિંગ મુકાબલો યોજાશે. રેનેગેડ્સને હોમ ટીમ ગણાશે.

બંને દેશોના વડાપ્રધાનોએ રમતગમત ક્ષેત્રે સહયોગ વધારવા વિશેષ રોડમેપ પણ જાહેર કર્યો છે. આ રોડમેપનો ઉદ્દેશ્ય રમત સંબંધોને નવી ઊંચાઈએ લઈ જવાનો છે. ઓસ્ટ્રેલિયાની આયોજન નિપુણતા અને ભારતની વધતી આકાંક્ષાઓને એક મંચ પર લાવાશે. તેનાથી વેપાર, પ્રવાસન અને રોકાણના નવા દ્વાર ખુલશે.

આ રોડમેપ હેઠળ ક્ષમતા નિર્માણ, સ્પોર્ટ્સ સાયન્સ, ટેક્નોલોજી રિસર્ચ અને ઈન્ડસ્ટ્રી ઈન્વેસ્ટમેન્ટ પર વિશેષ ધ્યાન અપાશે. ઓસ્ટ્રેલિયા 2032 ઓલિમ્પિક અને પેરાલિમ્પિક ગેમ્સની યજમાની કરશે, જ્યારે ભારત 2030માં કોમનવેલ્થ ગેમ્સના શતાબ્દી સંસ્કરણ માટે તૈયાર થઈ રહ્યું છે. અલ્બાનિઝે કહ્યું કે બંને દેશો રમત પ્રત્યે જુસ્સો ધરાવે છે અને આ રોડમેપ દ્વિપક્ષીય સંબંધો મજબૂત કરશે.

ચેપોકમાં BBLનો ઇતિહાસ
12 December 2026ના રોજ ચેન્નાઈના ચેપોક સ્ટેડિયમ ખાતે BBLનો ઐતિહાસિક ઓપનર રમાશે. મેલબોર્ન રેનેગેડ્સ અને પર્થ સ્કોર્ચર્સ ટકરાશે. ઓસ્ટ્રેલિયા બહાર BBLની પ્રથમ મેચ હશે. મોદી અલ્બાનિઝે સ્પોર્ટ્સ રોડમેપ જાહેર કર્યો. 2032 ઓલિમ્પિક અને 2030 કોમનવેલ્થ માટે આયોજન મદદરૂપ થશે.