• 152 કિલોમીટરની ઊંડાઈએ ભૂકંપના આંચકા નોંધાયા.

• અમેરિકન સુનામી ચેતવણી કેન્દ્રે ખતરો ન હોવાનું જણાવ્યું.

• રિંગ ઑફ ફાયર વિસ્તારમાં આવેલો છે કામચાટકા.

સિટી ન્યુઝ @ નવી દિલ્હી

રશિયાના કામચાટકા દ્વીપકલ્પમાં શુક્રવારે રિક્ટર સ્કેલ પર 7 ની તીવ્રતાનો શક્તિશાળી ભૂકંપ નોંધાયો છે. યુરોપિયન-મેડિટેરેનિયન સિસ્મોલોજિકલ સેન્ટર (EMSC)ના જણાવ્યા અનુસાર, આ ભૂકંપ સ્થાનિક સમય મુજબ બપોરે ૩:૩૫ વાગ્યે ૧૫૨ કિલોમીટરની ઊંડાઈએ આવ્યો હતો. સદનસીબે, અમેરિકન સુનામી ચેતવણી કેન્દ્રે સ્પષ્ટ કર્યું છે કે આ આંચકા બાદ સુનામીનો કોઈ જ ખતરો નથી.

ઉલ્લેખનીય છે કે કામચાટકા દ્વીપકલ્પ પ્રશાંત મહાસાગરના અત્યંત સંવેદનશીલ ટેક્ટોનિક પટ્ટા 'રિંગ ઑફ ફાયર' પર આવેલો હોવાથી ભૂકંપીય ગતિવિધિઓ માટે જાણીતો છે. અત્રે ઉલ્લેખનીય છે કે ગયા વર્ષે જુલાઈમાં પણ આ જ વિસ્તારમાં ૮.૮ની તીવ્રતાનો ભયાનક ભૂકંપ આવ્યો હતો, જેના કારણે સર્જાયેલી સુનામીએ દરિયાકાંઠાના એક ગામના મોટા ભાગને તણાઈને દરિયામાં ખેંચી લીધો હતો.

ગયા વર્ષની યાદ તાજી કરતો શક્તિશાળી ભૂકંપ!