• મેકર્સને રામલીલા મહાસંઘની ચેતવણી
• વિવાદસ્પદ દશ્યો ન હટાવવા પર સિનેમાઘરોની બહાર પ્રદર્શન થશે

સિટી ન્યૂઝ@મુંબઈ

રણબીર કપૂર, સની દેઓલ અને યશ અભિનીત ફિલ્મ ‘રામાયણ’ને લઈને વિવાદ થઈ ગયો છે. શ્રી રામલીલા મહાસંઘે ફિલ્મના ડિરેક્ટર નિતેશ તिवारी અને પ્રોડક્શન કંપનીને પત્ર લખીને ચેતવણી આપી છે. મહાસંઘના અધ્યક્ષ અર્જુન કુમારે માંગ કરી છે કે આ દિવાળી પર દેશ-વિદેશમાં રિલીઝ થાય તે પહેલાં આ ફિલ્મ તેમના પ્રતિનિધિમંડળને બતાવવામાં આવે.

મહાસંઘનું કહેવું છે કે તેમને મળેલી માહિતી મુજબ ફિલ્મમાં એવા ઘણા દશ્યો હોઈ શકે છે, જે હિંદુઓની ભાવનાઓને ઠેસ પહોંચાડી શકે છે. જો વિવાદસ્પદ દશ્યો હટાવવામાં નહીં આવે તો સિનેમાઘરોની બહાર પ્રદર્શન કરવામાં આવશે. જોકે, અત્યાર સુધી ડિરેક્ટર નિતેશ તिवारी કે ફિલ્મના પ્રોડક્શન હાઉસ તરફથી કોઈ સત્તાવાર નિવેદન બહાર પાડવામાં આવ્યું નથી.

શ્રીરામલીલા મહાસંઘના અધ્યક્ષ અર્જુન કુમારે પત્રમાં જણાવ્યું હતું કે

ફિલ્મને સિનેમાઘરોમાં રજૂ કરતા પહેલા એક વિશેષ શોમાં મહાસંઘને બતાવવામાં આવે. મહાસંઘ એ નક્કી કરવા માંગે છે કે ફિલ્મમાં ભગવાન રામ, રામાયણના પાત્રો કે સનાતન ધર્મ સાથે જોડાયેલું કોઈ ખોટું ચિત્રણ કે સંવાદ તો નથી ને. અર્જુન કુમારે ચેતવણી આપી છે કે જો મેકર્સ તેમની માંગણી ન માની, તો દિલ્હી સહિત

દેશના અન્ય રાજ્યોમાં સિનેમાઘરોની બહાર હિંદુ સંગઠનો સાથે મળીને હજારો કાર્યકરો વિરોધ પ્રદર્શન અને ધરણા કરશે.

મહાસંઘે પોતાના પત્રમાં વર્ષ ૨૦૨૩માં આવેલી ફિલ્મ ‘આદિપુરુષ’ નું ઉદાહરણ આપ્યું છે. અર્જુન કુમારે યાદ અપાવ્યું કે ભૂષણ કુમારના પ્રોડક્શન

અને પ્રભાસ-સૈફ અલી ખાન સ્ટારર આ ફિલ્મના ઘણા દશ્યો પર સનાતન સમાજ અને રામલીલા સાથે જોડાયેલા લોકોએ સખત વિરોધ નોંધાવ્યો હતો. તે ફિલ્મમાં સોનાની લંકામાં કાલી બતાવવામાં આવી હતી અને મહાજ્ઞાની રાવણ અને તેની સેનાનું ચિત્રણ મંગોલ લૂંટારાઓની જેમ કરવામાં આવ્યું હતું. આ ભારે વિરોધને કારણે કરોડોના બજેટમાં બનેલી તે ફિલ્મ બોક્સ ઓફિસ પર ફ્લોપ સાબિત થઈ હતી. ફિલ્મ ‘રામાયણ’માં બોલિવૂડ અને સાઉથ સિનેમાના મોટા કલાકારો એકસાથે જોવા મળવાના છે. રણબીર કપૂર ફિલ્મમાં ભગવાન રામની ભૂમિકામાં છે, જ્યારે સાઈ પલ્લવી માતા સીતાનું પાત્ર ભજવી રહી છે. સાઉથ સુપરસ્ટાર યશ આ ફિલ્મમાં રાવણના રોમમાં જોવા મળશે. આ ઉપરાંત સની દેઓલ હનુમાનની ભૂમિકામાં છે, જ્યારે રવિ દુબે લક્ષ્મણના પાત્રમાં જોવા મળશે. ફિલ્મમાં અરુણ ગોવિલ, લારા દત્તા, રકુલ પ્રીત સિંહ, વિવેક ઓબેરોય અને કુણાલ કપૂર પણ મહત્વની ભૂમિકાઓમાં સામેલ છે.

લોકો પ્રશ્ન પૂછી રહ્યા છે ત્રેતાયુગમાં આવા વસ્ત્રો ક્યાં હતા

• ‘રામાયણ’નું ટ્રેલર રિલીઝ બાદ સાડી ચર્ચામાં
• » સાઈ પલ્લવી, લારાદત્તા અને રકુલ પ્રીત સિંહની સિલ્કની સાડી
• સિટી ન્યૂઝ@મુંબઈ

‘રામાયણ’નું ટ્રેલર રિલીઝ થયા બાદથી સતત ચર્ચામાં છે. આ ટ્રેલરની રિલીઝ પછી સાઈ પલ્લવી, લારા દત્તા અને રકુલ પ્રીત સિંહના કોસ્ચ્યુમ અને જ્વેલરી પણ ચર્ચાનો વિષય બન્યા છે. ફિલ્મમાં

કેકૈયીનો રોલ કરી રહેલી લારા દત્તાએ स्टाइलिश રીતે પહેરેલી સિલ્કની સાડી અને બ્લાઉઝમાં દર્શાવવામાં આવી છે. એના કારણે લોકો પ્રશ્ન પૂછી રહ્યા છે કે ત્રેતાયુગમાં આવાં પ્રકારનાં વસ્ત્રો હતાં કે ક્યાં? એ જ રીતે માતા સીતા બનતી સાઈ પલ્લવી અને શૂર્પખા બનતી રકુલ પ્રીત સિંહના લુક પર પણ સવાલો ઊઠી રહ્યા છે.