• એડગવેર રોડ પર હિંસા, પોલીસ અધિકારી પર ઘાતકી હુમલો
• મોરોક્કો સમર્થકો રસ્તા પર, પોલીસ વાહનો ઘેરાયા ધુમાડા ગોટેગોટા
• 20,000 સુરક્ષાકર્મી છતાં હિંસા, મેટ્રોપોલિટન પોલીસે નાકાબંધી કરી

સિટી ન્યુઝ @ લંડન

ફિફા વર્લ્ડ કપ 2026ના ક્વાર્ટર ફાઇનલમાં ફ્રાન્સ સામે મોરોક્કોની 2-0થી હાર બાદ લંડનમાં ભારે હિંસા ફાટી નીકળી હતી. મેચ પૂરી થતાં જ હજારો નિરાશ મોરોક્કો સમર્થકો રસ્તા પર ઉતરી આવ્યા હતા. સેન્ટ્રલ લંડનનો એડગવેર રોડ જોતજોતામાં હિંસાના મેદાનમાં ફેરવાયો હતો. ચારેય તરફ ધુમાડાના ગોટેગોટા અને કચરાના ઢગલા જોવા મળ્યા હતા.

પશ્ચિમ લંડનમાં તોફાની ટોળાએ એક પોલીસ અધિકારી પર ઘાતકી હુમલો કર્યો હતો. ગંભીર રીતે ઘાયલ પોલીસકર્મી બે વાહનો વચ્ચે પડ્યો હતો અને મેડિકલ ટીમ સારવાર કરી રહી હતી. સાથી પોલીસકર્મીઓએ ઢાલની સુરક્ષા રેખા બનાવી ભીડ રોકી હતી. મેટ્રોપોલિટન પોલીસે એન્ટી-રાઇટ વાહનો સાથે રસ્તાની બંને બાજુએ નાકાબંધી કરી હતી.

માત્ર લંડન નહીં, પેરિસમાં પણ વિજય ઉત્સવ વચ્ચે હિંસક ઘર્ષણ થયા હતા. લેસ હેલ્સ વિસ્તારમાં ટોળાએ પોલીસ વાહનો ઘેરી લીધા હતા. લોકો મોબાઈલ ફ્લેશ ચાલુ કરી બૂમો પાડતા હતા. ફ્રાન્સમાં 20,000 સુરક્ષાકર્મીઓ તૈનાત હોવા છતાં છૂટાછવાયા બનાવો બન્યા હતા. લંડનમાં હાલ ભારે સુરક્ષાબળ ખડકાયું છે, પરંતુ ધરપકડની વિગતો હજુ જાહેર નથી.

 હાર બાદ હોબાળો
10 Julyએ લંડનમાં મોરોક્કોની 2-0થી હાર બાદ હિંસા ફાટી હતી. એડગવેર રોડ પર હજારો ફેન્સે તોડફોડ કરી હતી. પોલીસ અધિકારી પર હુમલામાં તે ગંભીર ઘાયલ થયો હતો. પેરિસમાં પણ પોલીસ વાહનો ઘેરાયા હતા. 20,000 સુરક્ષાકર્મીઓ છતાં બનાવો બન્યા હતા. મેટ્રોપોલિટન પોલીસે નાકાબંધી કરી ભીડ કાબૂમાં લીધી હતી.