સિટી ન્યૂઝ@રાજકોટ

મુસાફરોની સતત વધતી માંગ, તહેવારોની આવનારી ભીડ અને રેલવે મુસાફરીની વધતી જરૂરિયાતને ધ્યાનમાં રાખીને પશ્ચિમ રેલવેએ રાજકોટ ડિવિઝનમાંથી પસાર થતી વેરાવળ-બાંદ્રા ટર્મિનસ સામાજિક સ્પેશિયલ ટ્રેનના ફેરા લંબાવવાનો મહત્વપૂર્ણ નિર્ણય કર્યો છે. આ નિર્ણયથી સૌરાષ્ટ્ર અને મુંબઈ વચ્ચે મુસાફરી કરતા હજારો મુસાફરોને સીધી રાહત મળશે.

લંબાવવામાં આવેલા ફેરા માટેનું ટિકિટ બુકિંગ ૨૯ જુલાઈથી શરૂ કરવામાં આવશે અને મુસાફરોને અગાઉની જેમ જ સરળતાથી રિઝર્વેશન સુવિધા ઉપલબ્ધ રહેશે.

રાજકોટ ડિવિઝનના સિનિયર ડિવિઝનલ કોમર્શિયલ મેનેજર સુનીલ કુમાર મીનાના જણાવ્યા મુજબ ટ્રેન નંબર ૦૯૦૧૮ વેરાવળ-બાંદ્રા ટર્મિનસ સામાજિક સ્પેશિયલનું સંચાલન હવે ૩૧ ઓગસ્ટ, ૨૦૨૬ સુધી ચાલુ રહેશે. અગાઉ આ ટ્રેનનું સંચાલન ૨૭ જુલાઈ, ૨૦૨૬ સુધી જ નિર્ધારિત હતું.

તે જ રીતે ટ્રેન નંબર ૦૯૦૧૯ બાંદ્રા ટર્મિનસ-વેરાવળ

સામાજિક સ્પેશિયલ હવે ૩૦ ઓગસ્ટ, ૨૦૨૬ સુધી દોડાવવામાં આવશે. અગાઉ તેનું સંચાલન ૨૭ જુલાઈ, ૨૦૨૬ સુધી જ નક્કી કરવામાં આવ્યું હતું. આ વધારાથી વેકેશન અને તહેવારોની સમયમાં વધતી મુસાફરીની માંગને પહોંચી વળવામાં મદદ મળશે.

રેલવે વિભાગના જણાવ્યા મુજબ આ ટ્રેનના ફેરા લંબાવવાથી માત્ર મુસાફરોને જ નહીં પરંતુ સ્ટેશનો પરની ભીડ નિયંત્રણમાં પણ સહાય મળશે. ખાસ કરીને વેરાવળ, જૂનાગઢ, રાજકોટ અને મુંબઈ તરફ જતા મુસાફરોને સીધી અને આરામદાયક કનેક્ટિવિટી મળશે.

લંબાવવામાં આવેલા ફેરા માટેનું બુકિંગ ૨૯ જુલાઈ, ૨૦૨૬થી તમામ PRS કાઉન્ટરો તેમજ IRCTCની વેબસાઇટ પર ઉપલબ્ધ રહેશે. મુસાફરોને સલાહ આપવામાં આવે છે તેઓ સમયસર બુકિંગ કરી પોતાની મુસાફરી સુનિશ્ચિત કરે.

ટ્રેનના સ્ટોપેજ, સમયપત્રક અને કોચની રચના અંગેની વિગતવાર માહિતી માટે મુસાફરો www.enquiry. indianrail.gov.in પર મુલાકાત લઈ શકે છે.

હવે વેરાવળ-પ્રયાગરાજ વચ્ચે સામાજિક સ્પેશિયલ ટ્રેન દોડશે

ઓગસ્ટ-સપ્ટેમ્બર દરમિયાન વધારાની સુવિધા; 30 જુલાઈથી ટિકિટ બુકિંગ શરૂ

સિટી ન્યૂઝ@રાજકોટ

મુસાફરોની વધતી માંગ અને લાંબા અંતરની મુસાફરીની સુવિધા વધારવાના હેતુથી પશ્ચિમ રેલવેએ વેરાવળ-પ્રયાગરાજ-વેરાવળ વચ્ચે વિશેષ ભાડા પર સામાજિક સ્પેશિયલ ટ્રેન દોડાવવાનો મહત્વપૂર્ણ નિર્ણય કર્યો છે. આ ટ્રેન ઓગસ્ટ અને સપ્ટેમ્બર મહિનામાં બંને દિશામાં કુલ ૮-૮ ફેરા કરશે. મુસાફરો માટે આ ટ્રેન લાંબા અંતરની મુસાફરીને વધુ સરળ અને આરામદાયક બનાવશે. ટ્રેન માટેનું ટિકિટ બુકિંગ ૩૦ જુલાઈથી શરૂ થશે.

રાજકોટ ડિવિઝનના સિનિયર ડિવિઝનલ કોમર્શિયલ મેનેજર સુનીલ કુમાર મીનાના જણાવ્યા મુજબ ટ્રેન નંબર ૦૪૧૭૪ વેરાવળ-પ્રયાગરાજ સ્પેશિયલ ૭ ઓગસ્ટથી ૨૫ સપ્ટેમ્બર, ૨૦૨૬ સુધી દર શુક્રવારે રાત્રે ૨૨:૦૦ વાગ્યે વેરાવળથી ઉપડશે અને રવિવારે સવારે ૦૫:૫૦ વાગ્યે પ્રયાગરાજ પહોંચશે. આ ટ્રેન લાંબા અંતરના મુસાફરો માટે મહત્વપૂર્ણ કનેક્ટિવિટી

પૂરું પાડશે.

તે જ રીતે ટ્રેન નંબર ૦૪૧૭૩ પ્રયાગરાજ-વેરાવળ સ્પેશિયલ ૬ ઓગસ્ટથી ૨૪ સપ્ટેમ્બર, ૨૦૨૬ સુધી દર ગુરુવારે સવારે ૧૦:૧૦ વાગ્યે પ્રયાગરાજથી ઉપડશે અને બીજા દિવસે સાંજે ૧૮:૧૫ વાગ્યે વેરાવળ

પહોંચશે. આ સેવા પણ મુસાફરોને સમયસર અને સુગમ મુસાફરીનો વિકલ્પ આપશે.

આ સ્પેશિયલ ટ્રેનમાં ફર્સ્ટ એસી, સ્લીપર અને જનરલ શ્રેણીના કોચ ઉપલબ્ધ રહેશે, જેથી વિવિધ વર્ગના મુસાફરોને અનુકૂળતા મળી શકે. મુસાફરોની આરામદાયક મુસાફરીને ધ્યાનમાં રાખીને કોચની વ્યવસ્થા કરવામાં આવી છે. ટ્રેન બંને દિશામાં

જૂનાગઢ, નવાગઢ, રાજકોટ, વાંકાનેર, થાન, સુરેન્દ્રનગર જંક્શન, વિરમગામ, મહેસાણા, પાલનપુર, આબુ રોડ, સુમેરપુર જવાઈ બાંધ, ફાલના, મારવાડ જંક્શન, બ્યાવર, અજમેર, કિશનગઢ, જયપુર, બાંડીકુઈ, ભરતપુર, ઈદગાહ આગ્રા

જંક્શન, ટૂંદલા જંક્શન, ઇટાવા જંક્શન, ગોવિંદપુરી અને ફતેહપુર સ્ટેશનો પર ઉભી રહેશે, જેથી વિવિધ શહેરોના મુસાફરોને પણ લાભ મળશે.ટ્રેન નંબર ૦૪૧૭૪ વેરાવળ-પ્રયાગરાજ સ્પેશિયલ માટેનું ટિકિટ બુકિંગ ૩૦ જુલાઈ, ૨૦૨૬થી તમામ PRS કાઉન્ટરો તેમજ IRCTCની સત્તાવાર વેબસાઇટ પર ઉપલબ્ધ રહેશે. મુસાફરોને સલાહ આપવામાં આવે છે તેઓ સમયસર બુકિંગ કરી લે જેથી મુસાફરીમાં કોઈ મુશ્કેલી ન પડે. ટ્રેનના સ્ટોપેજ, સમયપત્રક અને કોચની રચના અંગેની વિગતવાર માહિતી માટે મુસાફરો www.enquiry. indianrail.gov.in પરથી માહિતી મેળવી શકાશે.

રાજકોટને કેન્દ્રમાં રાખી રેલવે સુવિધા વધારવા રજૂઆત

વંદે ભારત ટ્રેનમાં ફેરફાર સહિત 4 માંગ સાથે ધારાસભ્ય ગોવિંદ પટેલે રેલવે મંત્રીને પત્ર લખ્યો

સિટી ન્યૂઝ@રાજકોટ

રાજકોટ અને સમગ્ર સૌરાષ્ટ્રના મુસાફરોને વધુ સારી રેલવે કનેક્ટિવિટી અને સુવિધા મળે તે માટે રાજકોટ પશ્ચિમના ધારાસભ્ય ગોવિંદ પટેલે કેન્દ્રીય રેલવે મંત્રી અશ્વિની કુમારને પત્ર લખી ૪ મહત્વપૂર્ણ માંગણીઓ રજૂ કરી છે. પત્રમાં રાજકોટમાંથી વધુ ટ્રેનો શરૂ કરવા અને હાલની સેવાઓમાં સુધારો કરવાની માંગ કરવામાં આવી છે.

ધારાસભ્યના પત્રમાં સૌપ્રથમ સાબરમતી-વેરાવળ વંદે ભારત એક્સપ્રેસનો રૂટ બોટાદના બદલે રાજકોટથી ચલાવવાની માંગ કરી છે. રાજકોટ સૌરાષ્ટ્રનું સૌથી મોટું વેપારી અને औद्योगिक કેન્દ્ર હોવાથી અહીંથી મુસાફરોની સંખ્યા વધુ રહેતી હોવાનું રજૂઆતમાં જણાવ્યું છે.

બીજી માંગ તરીકે ભાવનગરના બદલે રાજકોટથી શ્રીનાથદ્વારા સુધી વંદે ભારત એક્સપ્રેસ શરૂ કરવા અથવા રાજકોટ-શ્રીનાથદ્વારા વચ્ચે નવી વંદે ભારત ટ્રેન શરૂ કરવાની રજૂઆત કરવામાં આવી છે. આથી સૌરાષ્ટ્રના શ્રદ્ધાળુઓ અને મુસાફરોને સીધો લાભ મળશે હોવાનું પત્રમાં જણાવ્યું છે.

પત્રમાં રાજકોટથી ઉપડતી ૨૨૬૬૪ સૌરાષ્ટ્ર મેલનો કોરોના પહેલાંના સાંજે ૧૮:૦૫ વાગ્યાનો સમય ફરી અમલમાં મૂકવાની પણ માંગ કરવામાં આવી છે. હાલનો સમય મુસાફરો, નોકરીયાતો, વેપારીઓ અને વિદ્યાર્થીઓ માટે અનુકૂળ ન હોવાનું રજૂઆતમાં જણાવ્યું છે.

આ ઉપરાંત રાજકોટ માર્ગે દોડતી જામનગર-અમદાવાદ ઇન્ટરસીટી એક્સપ્રેસ (ટ્રેન નંબર ૨૨૯૬૦)માં વંદે ભારત ટ્રેનના સમયપત્રકમાં થયેલા ફેરફાર બાદ વધેલી મુસાફરોની સંખ્યાને ધ્યાનમાં રાખીને એસી અને નોન-એસી કોચની સંખ્યા વધારવાની પણ માંગ કરવામાં આવી છે. પત્રમાં આ તમામ માંગણીઓનો હકારાત્મક વિચાર કરી જરૂરી કાર્યવાહી કરવા રેલવે મંત્રીને અપીલ કરવામાં આવી છે.