વરસાદનું એલર્ટ; ઉત્તરાખંડમાં ભૂસ્ખલન, હિમાચલમાં 70 રસ્તાઓ બંધ

સિટી ન્યૂઝ@પટના

બિહારના ખગાડિયા અને ચંપારણ સહિત ૨૦ જિલ્લાઓમાં ભારે વરસાદનું એલર્ટ જાહેર કરવામાં આવ્યું છે. હવામાન વિભાગ મુજબ, ૧ સપ્ટેમ્બર સુધી વરસાદનો દોર ચાલુ રહી શકે છે.

જ્યારે, નેપાળમાં આવેલા પૂરને કારણે બિહારના ૮ જિલ્લાઓમાં હાઈ એલર્ટ છે. ગંગા અને ગંડક નદીઓ ભયજનક સપાટીથી ઉપર વહી રહી છે. કોસી અને બાગમતી નદીઓ પણ ગાંડીતૂર બની છે. અહીં ૫૦ હજારથી વધુ ઘર પાણીમાં ડૂબી ગયા છે. ઉત્તરાખંડના ૧૧ જિલ્લાઓમાં વરસાદનું એલર્ટ જાહેર કરવામાં આવ્યું છે. જ્યારે, ગુરુવારે ચમોલીમાં ભૂસ્ખલનને કારણે બદ્રીનાથ હાઈવે થોડા સમય માટે બંધ રહ્યો હતો. હિમાચલ પ્રદેશમાં ફરી એકવાર ભારે વરસાદનો દોર શરૂ થવાની સંભાવના છે. શિમલા હવામાન વિભાગે ૩૧ ઓગસ્ટથી ૨ સપ્ટેમ્બર સુધી જુદા જુદા સ્થળોએ ભારે વરસાદ માટે ચલો એલર્ટ જાહેર કર્યું છે. ભૂસ્ખલન અને ભારે વરસાદને કારણે રાજ્યમાં ૭૦ રસ્તાઓ બંધ છે.