સિટી ન્યુઝ @ મુંબઈ
બોલિવૂડના એક્શન સ્ટાર સની દેઓલ ફરી એકવાર પોતાના સૌથી યાદગાર અને પાવરફુલ પાત્ર 'કાશીનાથ'ના અવતારમાં મોટા પડદા પર ધમાકો કરવા માટે સજ્જ થઈ ગયા છે. જાણીતા ફિલ્મ ડિરેક્ટર રાજકુમાર સંતોષીની આગામી એક્શન ડ્રામા ફિલ્મ 'ઘાતક ઘુસ કે મારેગા'માં સની દેઓલ આ ભૂમિકા ભજવશે.
ઉલ્લેખનીય છે કે વર્ષ 1996 માં રિલીઝ થયેલી ક્લાસિક એક્શન ફિલ્મ 'ઘાતક'માં સની દેઓલે ભજવેલું કાશીનાથનું પાત્ર આજે પણ દર્શકોના દિલમાં વસેલું છે. આ નવી ફિલ્મની જાહેરાત સાથે જ દર્શકોમાં ભારે રોમાંચ જોવા મળી રહ્યો છે.
જોકે, ડિરેક્ટર રાજકુમાર સંતોષીએ આ પ્રોજેક્ટ અંગે સ્પષ્ટતા કરતાં જણાવ્યું છે કે આ ફિલ્મ પહેલી ફિલ્મની સીધી સિક્વલ નથી, પરંતુ તેમાં પાત્ર એ જ મૂળ સ્વભાવનું રહેશે જેમ કે આ પાત્ર બનારસનું છે.
આ સુપરહિટ એક્ટર-ડિરેક્ટર જોડીએ હાલમાં જ પોતાની ફિલ્મ 'બંટવારા 1947' માટે સાથે કામ કર્યું હતું. તે પૂર્ણ થયા બાદ તરત જ તેમણે આ નવા મોટા પ્રોજેક્ટ પર આગળ વધવાનો નિર્ણય કર્યો છે.
સંતોષીએ વધુ વિગતો આપતાં ઉમેર્યું કે 'ઘાતક ઘુસ કે મારેગા'માં દર્શકોને જબરદસ્ત એક્શન સિક્વન્સ, રુંવાડા ઊભા કરી દે તેવા દમદાર ડાયલોગ્સ અને ઊંડા ઇમોશન્સનો અદભુત સમન્વય જોવા મળશે.
સની દેઓલ ફરી બનશે 'કાશીનાથ'
ડિરેક્ટર રાજકુમાર સંતોષીની નવી એક્શન ફિલ્મ 'ઘાતક ઘુસ કે મારેગા'માં સની દેઓલ 1996 ની ક્લાસિક ફિલ્મના પ્રખ્યાત પાત્ર 'કાશીનાથ' તરીકે વાપસી કરશે. સંતોષીએ સ્પષ્ટ કર્યું છે કે આ ફિલ્મ સિક્વલ નથી પરંતુ પાત્ર એ જ રહેશે. ફિલ્મમાં હાઈ-વોલ્ટેજ એક્શન અને દમદાર ડાયલોગ્સ જોવા મળશે.
.jpg)
