હવામાન વિભાગે જણાવ્યું હતું કે પેસિફિક મહાસાગરમાં સક્રિય અલ નીનોને કારણે સપ્ટેમ્બરમાં વરસાદ સામાન્ય કરતાં ઓછો રહેવાની ધારણા છે અને મહત્તમ તાપમાન સામાન્ય કરતાં વધુ રહેવાની ધારણા છે. IMD અનુસાર, દેશમાં ઓગસ્ટમાં ૨૧૩.૩ મીમી વરસાદ પડ્યો હતો, જે સામાન્ય કરતાં ઓછો હતો. ૨૦૦૧ પછી ઓગસ્ટમાં નોંધાયેલો આ સાતમો સૌથી ઓછો વરસાદ છે.

મૃત્યુંજય મહાપાત્રાએ સમજાવ્યુંકે હાલમાં, વિષુવવૃત્તીય પ્રશાંત મહાસાગરમાં અલ નીનોની સ્થિતિ મજબૂત રહે છે. મધ્ય અને પૂર્વીય વિષુવવૃત્તીય પ્રશાંત મહાસાગરમાં

સમુદ્રની સપાટીનું તાપમાન સામાન્ય કરતાં વધુ છે. આગામી મહિનાઓમાં આ વધુ મજબૂત થવાની ધારણા છે. IMD અનુસાર, ઓગસ્ટમાં ચાર ઓછા દબાણવાળા વિસ્તારો બન્યા અને કુલ ૨૬ દિવસ સક્રિય રહ્યા. જો કે, આ વિસ્તારોમાંથી થયેલો વરસાદ મુખ્યત્વે ગંગાના મેદાનો સુધી મર્યાદિત હતો. તેના પરિણામે દેશના અન્ય ઘણા ભાગોમાં વરસાદની ઘટ જોવા મળી.

૧૯૭૧-૨૦૨૦ ના ડેટાના આધારે, સપ્ટેમ્બર વરસાદ માટે LPA આશરે ૧૬૭.૯ મીમી છે. પ્રાદેશિક રીતે, દેશના ઘણા ભાગોમાં સામાન્ય કરતાં ઓછો વરસાદ પડવાની ધારણા છે. જોકે, ઉત્તરપશ્ચિમ, ઉત્તરપૂર્વ, પૂર્વ, પૂર્વીય-મધ્ય

અને દક્ષિણપૂર્વ દ્વીપકલ્પીય ભારતના કેટલાક વિસ્તારોમાં સામાન્ય અથવા સામાન્ય કરતાં વધુ વરસાદ પડી શકે છે. વરસાદની શ્રેણીઓ (સામાન્યથી વધુ, સામાન્ય અને સામાન્યથી નીચે) ની સંભાવના-આધારિત આગાહીઓ દર્શાવે છે કે વરસાદ મોટાભાગે સામાન્ય કરતાં ઓછો રહેશે.

તાપમાન અંગે દેશના મોટાભાગના ભાગોમાં માસિક સરેરાશ મહત્તમ તાપમાન સામાન્યથી વધુ રહેવાની ધારણા છે. ઉત્તરપશ્ચિમ, પશ્ચિમ-મધ્ય અને ઉત્તરપૂર્વ ભારતના કેટલાક ભાગો સિવાય, જ્યાં તાપમાન સામાન્ય અથવા સામાન્યથી નીચે રહેવાની શક્યતા છે, મોટાભાગના પ્રદેશોમાં માસિક સરેરાશ

લઘુત્તમ તાપમાન પણ સામાન્યથી વધુ રહેવાની ધારણા છે.

IMD અનુસાર, વિષુવવૃત્તીય પેસિફિક મહાસાગરમાં હાલમાં એક મજબૂત અલ નીનો સ્થિતિ યથાવત છે, અને મધ્ય અને પૂર્વીય વિષુવવૃત્તીય પેસિફિકમાં સમુદ્ર સપાટીનું તાપમાન સામાન્યથી વધુ છે. આગામી મહિનાઓમાં આ પરિસ્થિતિઓ વધુ મજબૂત થવાની ધારણા છે. હાલમાં હિંદ મહાસાગરમાં એક તટસ્થ હિંદ મહાસાગર દ્વિધ્રુવીય પ્રવર્તે છે. IMD ના મોન્સૂન મિશન કલ્પલ્ડ ફોરકાસ્ટ સિસ્ટમ (MMCFS) ની આગાહીઓ સૂચવે છે કે તટસ્થ IOD સ્થિતિ સપ્ટેમ્બર સુધી ચાલુ રહેવાની શક્યતા છે.