=> આજે પદ્મ પુરસ્કાર આપવામાં આવશે

સિટી ન્યૂઝ@નવી દિલ્હી

દિવંગત અભિનેતા ધર્મેન્દ્રને પદ્મ વિભૂષણ, ઝારખંડના પૂર્વ સીએમ દિવંગત નેતા શિબુ સોરેન અને બોલિવુડ સિંગર અલકા યાજ્ઞિકને પદ્મ ભૂષણ આપવામાં આવશે. અભિનેતા આર માધવન, ક્રિકેટર રોહિત શર્મા, પેરા એથ્લીટ પ્રવીણ કુમાર, મહિલા ક્રિકેટ ટીમના કેપ્ટન હરમનપ્રીત કૌર અને હોકી પ્લેયર સવિતા પુનિયાને પદ્મશ્રીથી સન્માનિત કરવામાં આવશે. રાષ્ટ્રપતિ ભવનમાં રાષ્ટ્રપતિ દ્રૌપદી મુર્મુ સૌને સન્માનિત કરશે. પદ્મ પુરસ્કાર વિજેતાઓમાં ૧૯ મહિલાઓ છે. આમાં ૬ વિદેશી/NRI/PIO/OCI કેટેગરીના લોકો પણ છે.

૧૬ હસ્તીઓ એવી છે, જેમને મરણોત્તર પુરસ્કાર આપવામાં આવી રહ્યા છે. કેન્દ્ર સરકારે ૨૫ જાન્યુઆરીએ ૧૩૨ પદ્મ પુરસ્કારોની જાહેરાત કરી હતી. દિવંગત અભિનેતા ધર્મેન્દ્ર, સુપ્રીમ કોર્ટના પૂર્વ જજ કેટી થોમસ, સામ્યવાદી નેતા અને કેરળના પૂર્વ મુખ્યમંત્રી વી.એસ. અચ્યુતાનંદન સહિત ૫ હસ્તીઓને પદ્મ વિભૂષણ એવોર્ડની જાહેરાત કરવામાં આવી છે. જાણીતા ગાયિકા અલકા યાજ્ઞિક, ઝારખંડના પૂર્વ મુખ્યમંત્રી શિબુ સોરેન, ઉત્તરાખંડના પૂર્વ મુખ્યમંત્રી ભગત સિંહ કોશ્યારી સહિત ૧૩ હસ્તીઓને પદ્મ ભૂષણ સન્માન આપવામાં આવશે.