સતત વિકેટો પડી 
એક સમયે ભારત આસાનીથી લક્ષ્ય તરફ વધતું દેખાઈ રહ્યું હતું. 16.5 ઓવરમાં ટીમનો સ્કોર પાંચ વિકેટે 200 રન હતો અને ભારતને 48 રનની જરૂર હતી. પરંતુ ઓવરની છેલ્લી બોલ પર તિલક આઉટ થયા પછી સતત વિકેટો પડતી ગઈ અને ટીમ બેકફૂટ પર જતી રહી. છેલ્લી પાંચ વિકેટ 23 રનમાં પડી ગઈ અને ટીમ હારી ગઈ.

હોપની સદી 
આ પહેલાં ટોસ હારીને પહેલાં બેટિંગ કરતાં હોપે વિન્ડીઝના બેટ્સમેનો પર દબાણ બનાવી રાખ્યું. હોપે 50 બોલની ઈનિંગમાં નવ છગ્ગા અને ચાર ચોગ્ગા ફટકાર્યા. તેમણે શેરફેન રધરફોર્ડ (અણનમ 49 રન) ની સાથે ચોથી વિકેટ માટે અણનમ 91 રન ઉમેરીને ભારતને પડકારજનક લક્ષ્ય આપ્યું હતું.

રધરફોર્ડે 26 બોલની તોફાની ઈનિંગમાં ચાર ચોગ્ગા અને ત્રણ છગ્ગા જોડ્યા. વેસ્ટ ઈન્ડિઝને ઈનિંગમાં 16 છગ્ગા ફટકાર્યા અને 18 અતિરિક્ત રન પણ મળ્યાં. હોપે આ શ્રેણીમાં બીજી, કરિયરની ચોથી અને T-20 આંતરરાષ્ટ્રીયમાં ત્રીજી સદી ફટકારી.

હોપે ગેલ અને લુઈસને પછાડ્યા
T-20 આંતરરાષ્ટ્રીયમાં હોપની આ ત્રીજી સદી છે. તે એવિન લુઈસ અને ક્રિસ ગેલને પછાડીને વિન્ડીઝ તરફથી આ ફોર્મેટમાં સૌથી વધુ સદી ફટકારનાર બેટ્સમેન બની ગયાં છે.

મુખ્ય આંકડા અને રેકોર્ડ્સ
05 વિકેટ બીજી વાર લેનારા કીમો પોલ T-20 આંતરરાષ્ટ્રીયમાં આવું કરનારા વેસ્ટ ઈન્ડિઝના પહેલા બોલર બન્યાં.
91 રનની અણનમ ભાગીદારી ચોથી વિકેટ માટે શાઈ હોપે શેરફેન રધરફોર્ડ સાથે માત્ર 43 બોલમાં કરી.
102 હોપે 50 બોલમાં ચાર ચોગ્ગા અને નવ છગ્ગાથી પોતાની સદી પૂરી કરી.

પાવરપ્લેનો રેકોર્ડ બરાબર
વેસ્ટ ઈન્ડિઝે તોફાની શરૂઆત કરતાં પાવરપ્લેમાં એક વિકેટે 79 રન બનાવ્યાં. આ T-20 આંતરરાષ્ટ્રીયમાં પહેલા છ ઓવરમાં ભારત સામે સંયુક્ત રીતે સૌથી મોટો સ્કોર છે.

ન્યુઝીલેન્ડે આ વર્ષની શરૂઆતમાં તિરુવનંતપુરમમાં ભારત સામે આટલા જ રન બનાવ્યા હતા. મહેમાન ટીમે 7.4 ઓવરમાં 100 રન પૂરા કર્યા અને ભારત સામે 2016માં લોડરહિલમાં બનાવેલા રેકોર્ડની બરાબરી કરી. તે સમયે પણ ટીમે વગર વિકેટે 100 રનનો આંકડો પાર કર્યો હતો.