સિટી ન્યુઝ @ વાશિંગ્ટન

મધ્યપૂર્વમાં યુદ્ધનો વ્યાપ વધવાના સ્પષ્ટ સંકેતો વચ્ચે અમેરિકા ઇરાન અને યમનના હુથી બળવાખોરોનો કસ કાઢવા માટે સંપૂર્ણપણે સજ્જ બન્યું છે. હુથીઓ દ્વારા સાઉદી અરેબિયાના 'એન્સેલિયા' અને 'લયલા' નામના બે જહાજો પર હુમલો કરવામાં આવતા અમેરિકી પ્રમુખ ડોનાલ્ડ ટ્રમ્પ લાલઘૂમ થઈ ગયા છે. તેમણે ચેતવણી આપી છે કે જો હુથીઓએ વધુ એક હુમલો કર્યો તો તેમને ખેદાનમેદાન કરી નાખવામાં આવશે. આ ગંભીર પરિસ્થિતિને ધ્યાનમાં રાખીને અમેરિકાએ મધ્યપૂર્વમાં ૫,૦૦૦થી વધુ સૈનિકો, સ્પેશ્યલ ઓપરેશન ફોર્સીસ, કોમ્બેટ મેડિક્સ અને B-1 લેસર બોમ્બર્સ હાઈ એલર્ટ પર મૂકી દીધા છે.

અમેરિકી નૌકાદળે પણ પોતાની તાકાતમાં વધારો કરતા હાલ મધ્યપૂર્વમાં ૧૭ જહાજો તૈનાત કર્યા છે, જેમાં બે કેરિયર સ્ટ્રાઇક ગ્રુપ્સ, ૧૧ ડિસ્ટ્રોયર્સ અને એક મરીન એક્સપીડિશનરી યુનિટ સામેલ છે. યુએસ સેન્ટ્રલ કમાન્ડના જણાવ્યા અનુસાર, અમેરિકાએ સળંગ ૧૨માં દિવસે ઇરાન પર હવાઈ હુમલા ચાલુ રાખ્યા છે. બીજી તરફ, ઇરાનના સરકારી મીડિયા અને ગાર્ડિયનના રિપોર્ટ મુજબ દક્ષિણ-પશ્ચિમ ઇરાનમાં રામગીર, અરબાઝ અને શાલમ-યેર બોર્ડર ક્રોસિંગ પર અમેરિકી મિસાઇલ હુમલામાં જાનહાનિ પણ થઈ છે. હુથીઓની ધમકીઓ અને તાજેતરના હુમલાઓ બાદ આ ક્ષેત્રમાં ભીષણ યુદ્ધ ફાટી નીકળવાની પૂરી સંભાવના છે.

સાઉદી જહાજો પર હુમલા બાદ અમેરિકાનું આક્રમક વલણ

હુથીઓ દ્વારા સાઉદીના બે જહાજો પર હુમલો કરાતા ટ્રમ્પ પ્રશાસને ઇરાન અને હુથીઓ સામે લવારાઈ સજ્જ કરી છે. મધ્યપૂર્વમાં ૫,૦૦૦ સૈનિકો, B-1 બોમ્બર્સ અને ૧૭ યુદ્ધજહાજો ખડકી દેવામાં આવ્યા છે, જે મોટા યુદ્ધની તૈયારી દર્શાવે છે.