• સ્કેલ્પ ડ્રાય થવાથી માથામાં ખોડો જમા થાય છે.

• યોગ્ય આહાર અને ઉપાયોથી ખોડો દૂર થશે.

• પિત્ત અને કફ અસંતુલનથી લોહી અશુદ્ધ બને છે. 

સિટી ન્યુઝ @ ગાંધીનગર

ગરમ પાણીથી વાળ ધોવા અને વાળમાં તેલ તથા ભેજનો અભાવ સર્જાવાથી સ્કેલ્પ ડ્રાય થઈ શકે છે, અને બદલાતા હવામાન દરમિયાન આ સમસ્યા વધુ ગંભીર બને છે. જોકે ખોડો ફક્ત હવામાનનું પરિણામ નથી, પરંતુ તે શરીરના દોષોમાં અસંતુલનનું પણ સંકેત છે. આયુર્વેદ અનુસાર શરીરમાં વાત, પિત્ત અને કફનો સમાવેશ થાય છે, જેને ત્રિદોષ તરીકે ઓળખવામાં આવે છે. જ્યારે આ ત્રિદોષોનું સંતુલન ખોરવાય છે ત્યારે અનેક સમસ્યાઓ ઉદ્ભવે છે, અને ખોડો ખાસ કરીને પિત્ત અને કફ દોષોના અસંતુલનને કારણે થાય છે. આનાથી લોહી અશુદ્ધ બને છે અને સ્કેલ્પના છિદ્રો બંધ થઈ જાય છે, જેનાથી ડ્રાયનેસ વધે છે. ખોડાથી છુટકારો મેળવવા માટે આહારમાં યોગ્ય પરિવર્તન અને કેટલાક આયુર્વેદિક ઉપાયો અત્યંત અસરકારક સાબિત થઈ શકે છે.

માથું સાફ રાખો

ખોડાથી પીડાતા લોકોએ તેમના વાળ અને સ્કેલ્પ સંપૂર્ણપણે સાફ રાખવા જોઈએ. આ ડેડ સ્કિનને દૂર કરે છે. તમારા વાળ ધોવા માટે કેટોકોનાઝોલ, સેલેનિયમ સલ્ફાઇડ અથવા ઝિંક ધરાવતા શેમ્પૂનો ઉપયોગ કરો. તમારા સ્કેલ્પને સાફ કરવા માટે બારીક દાંતાવાળા કાંસકાનો ઉપયોગ કરો, જે બ્લડ સર્ક્યુલેશન સુધારશે.