સિટી ન્યુઝ @ નવી દિલ્હી

જે રીતે હાર્ડ અટેક ત્યારે આવે છે જ્યારે હૃદયની લોહીની નસો બંધ થઈ જાય છે, તેવી જ રીતે પગમાં પણ બ્લોકેજ થવાથી ગંભીર જોખમ ઊભું થઈ શકે છે. બેદરકારી દાખવવાથી દર્દીનો પગ કાપવા સુધીની નોબત આવી શકે છે, જેને વેસ્ક્યુલર બીમારીઓ કહેવામાં આવે છે.

ભારતમાં વેસ્ક્યુલર બીમારીઓને લઈને લોકોમાં જાગૃતિ ખૂબ જ ઓછી છે અને સરકારી હોસ્પિટલોમાં પણ તેના માટે અલગ વિશેષજ્ઞો કે વિભાગો ઉપલબ્ધ નથી. તાજેતરમાં 29 વર્ષના એક યુવાનને પણ પગની લોહીની નસ બંધ થઈ જવાની ગંભીર સમસ્યા સામે આવી હતી.

દિલ્હીમાં આયોજિત વીસીઆઈ - એએસવીએસ 2026 (VSI - ASVS 2026) દરમિયાન ડૉક્ટરોએ જણાવ્યું કે ચાલવામાં તકલીફ પડવી, એક પગ ઠંડો અને બીજો ગરમ રહેવો, પગનો રંગ બદલાવો એ બ્લોકેજના મુખ્ય લક્ષણો છે.

ડીપ વેન થ્રૉમ્બોસિસ જેવી સ્થિતિમાં નસોમાં લોહી ગંઠાઈ જાય છે, જેનાથી લોહીનો પ્રવાહ અટકે છે અને આ ગઠ્ઠો ફેફસાં સુધી પહોંચીને જીવનનું જોખમ પણ પેદા કરી શકે છે.

આ બીમારી મુખ્યત્વે તંબાકુનું સેવન, સિગારેટ પીવાથી અને ડાયાબિટીસના કારણે થાય છે. તેથી શુગર અને બ્લડ પ્રેશર નિયંત્રણમાં રાખીને તેમજ જીવનશૈલી સુધારીને આ ગંભીર બીમારીથી બચી શકાય છે.

પગની નસોની બ્લોકેજ અતિ જોખમી

હાર્ડ અટેક સમાન જ જોખમ હવે પગની નસો બ્લોક થવાથી પેદા થઈ રહ્યું છે, જેને વેસ્ક્યુલર બીમારીઓ કહે છે. સમયસર જાગૃત થઈને જો આ રોગની ઓળખ કરવામાં ન આવે તો ગેંગરીન જેવી ઘાતક સ્થિતિમાં દર્દીનો પગ કાપવા સુધીની નોબત આવી શકે છે, તેથી ખાનપાન અને જીવનશૈલીમાં સુધારો કરવો અત્યંત જરૂરી છે.