સિટી ન્યુઝ @ હેલ્થ 

ઘણા લોકોને ભારે ભોજન લીધા પછી પાચન સંબંધિત સમસ્યાઓ, અપચો, ગેસ અને એસિડિટીની તકલીફ વારંવાર સતાવતી હોય છે. નબળા પાચનતંત્રને સુધારવા માટે રસોડામાં સરળતાથી ઉપલબ્ધ વરિયાળી અને અજમાનો ઘરેલુ નુસખો અત્યંત અસરકારક સાબિત થાય છે. વરિયાળી અને અજમો ઔષધીય ગુણોથી ભરપૂર હોવાથી જમ્યા પછી સાદું પાણી પીવાને બદલે તેનું ખાસ રીતે તૈયાર કરેલું પાણી પીવાથી ગટ હેલ્થમાં નોંધપાત્ર સુધારો થાય છે.

આ પાણી પાચનક્રિયાને વેગવંતી બનાવી ખોરાકને ઝડપથી પચાવવામાં મદદ કરે છે, જેથી પેટ ફૂલવું (બ્લોટિંગ), ભારેપણું અને ગેસ-એસિડિટી જેવી સમસ્યાઓમાંથી મુક્તિ મળે છે. નિયમિત સેવનથી શરીર ડિટોક્સ થાય છે, રોગપ્રતિકારક શક્તિ (ઇમ્યુનિટી) વધે છે અને મેટાબોલિઝમ બૂસ્ટ થતાં વજન નિયંત્રણમાં પણ સહાય મળે છે. આ ઉપરાંત આ મિશ્રણ ખોરાકમાંથી પોષક તત્વોના શોષણમાં સુધારો કરીને ત્વચાને સ્વસ્થ અને ચમકદાર બનાવે છે તેમજ મોસમી બીમારીઓથી રક્ષણ આપે છે.

આ પાણી બનાવવાની રીત પણ ખૂબ જ સરળ છે. સમાન માત્રામાં વરિયાળી અને અજમો લઈને પાણીમાં પલાળી રાખવા. જમ્યાના 30 મિનિટ પછી આ પાણીને સામાન્ય ગરમ (હુંફાળું) કરીને ધીમે-ધીમે પીવું. જમ્યા પછી તરત ઠંડુ કે સાદું પાણી પીવા કરતાં આ હુંફાળું મિશ્રણ પીવાથી પાચનતંત્ર શ્રેષ્ઠ રીતે કાર્યરત રહે છે.

વરિયાળી અને અજમાના પાણીના ફાયદા

જમ્યાના 30 મિનિટ બાદ વરિયાળી અને અજમાનું હુંફાળું પાણી પીવાથી અપચો, ગેસ અને એસિડિટીમાંથી રાહત મળે છે. આ ઔષધીય પાણી મેટાબોલિઝમ અને ઇમ્યુનિટી વધારવા ઉપરાંત બોડી ડિટોક્સ કરી ગટ હેલ્થને સુદ્રઢ રાખવામાં અને વજન નિયંત્રિત કરવામાં મદદરૂપ બને છે.