ભાવનગર લઠાકાંડની ઘટના બાદ રાજકોટ શહેર પોલીસ પણ હરકતમાં આવી છે. શહેરમાં દારૂના વેચાણ અને સેવન સામે પોલીસે કાર્યવાહી તેજ કરી છે. છેલ્લા ત્રણ દિવસ દરમિયાન રાજકોટ શહેરમાં કુલ ૧૩૦ જેટલા ગુના નોંધવામાં આવ્યા છે, જ્યારે દારૂના નશામાં ઝડપાયેલા આશરે ૮ લોકો સામે પણ કાર્યવાહી કરવામાં આવી છે.

દારૂના ગેરકાયદેસર વેચાણ અને દારૂ પીવાના કિસ્સાઓને લઈને પોલીસ દ્વારા અલગ-અલગ વિસ્તારોમાં તપાસ અને કાર્યવાહી હાથ ધરવામાં આવી રહી છે. રાજકોટ પોલીસનું કહેવું છે કે પ્રોહિબિશન સાથે સંકળાયેલી ટોળકીઓ સામે પણ કડક કાર્યવાહી કરવામાં આવી રહી છે.

ઉલ્લેખનીય છે કે છેલ્લા બે મહિનામાં રાજકોટ શહેર પોલીસે પ્રોહિબિશન સાથે સંકળાયેલી ટોળકીઓ સામે GUJCTOC હેઠળ બે ગુના નોંધ્યા છે. પોલીસ દ્વારા ગેરકાયદેસર દારૂના નેટવર્ક સામે કાર્યવાહી વધુ કડક બનાવવામાં આવી હોવાનું જણાવવામાં છે.

આ ઉપરાંત રાજકોટ શહેર પોલીસે નાગરિકોને પણ અપીલ કરી છે કે તેમના આસપાસ દારૂના વેચાણ કે અન્ય કોઈ ગેરકાયદેસર પ્રવૃત્તિ અંગે જાણકારી હોય તો પોલીસને જાણ કરો. આ માટે ૬૩૫૯૬ ૨૯૮૯૬ નંબર જાહેર કરવામાં આવ્યો છે.

ભાવનગરની ઘટનાને પગલે રાજકોટ પોલીસ હવે ખાસ સતર્ક બની છે ત્યારે આગામી દિવસોમાં પણ પ્રોહિબિશન સંબંધિત પ્રવૃત્તિઓ સામે કાર્યવાહી ચાલુ રહેશે કે કેમ તેના પર સૌની નજર રહેશે.