સિટી ન્યુઝ @ લાઈફ સ્ટાઈલ 

આયુર્વેદિક પરંપરામાં શુદ્ધ દેશી ઘીને માત્ર આરોગ્ય માટે જ નહીં પરંતુ ચહેરાની સુંદરતા અને ચમક વધારવા માટે પણ સાક્ષાત અમૃત સમાન ગણવામાં આવે છે. વધતી ઉંમર સાથે ખાસ કરીને 40 વર્ષ પછી સ્કિનમાં કુદરતી ભેજ ઘટે છે અને કરચલીઓ દેખાવા લાગે છે. નિષ્ણાતોના મતે રોજ રાત્રે સૂતા પહેલાં ચહેરા પર માત્ર 1 થી 2 ટીપાં શુદ્ધ ઘી લગાવવાથી ત્વચા લાંબા સમય સુધી ટાઈટ, મુલાયમ અને તેજસ્વી રહે છે.

જે લોકોની ત્વચા ખૂબ જ ડ્રાય અને બેજાન રહેતી હોય તેમના માટે ઘી કુદરતી મોઇશ્ચરાઇઝર તરીકે અદ્ભુત કામ કરે છે. ઘીમાં રહેલા વિટામિન A, વિટામિન E અને આવશ્યક ફેટી એસિડ્સ ત્વચાના ઊંડા સ્તર સુધી પહોંચીને તેને પોષણ આપે છે. આ પોષકતત્વો સ્કિનમાં કોલેજનનું ઉત્પાદન વધારે છે, જેથી ચહેરા પરની ઝીણી રેખાઓ (ફાઈન લાઈન્સ) અને કરચલીઓ ધીમે-ધીમે ઘટવા લાગે છે.

ચહેરા પર પડેલા કાળા ડાઘ, ખીલના નિશાન કે પિગમેન્ટેશનની સમસ્યા હોય તો રાત્રે ઘી લગાવવાથી ત્વચાનો ટોન સરખો (ઈવન) થાય છે. ઘી સ્કિન સેલ્સને રિપેર કરીને ચહેરાને ક્લીન અને બ્રાઈટ બનાવવામાં સહાય કરે છે. આ ઉપરાંત સૂકા અને ફાટેલા હોઠ પર નિયમિત ઘી લગાવવાથી હોઠ સોફ્ટ, મુલાયમ અને કુદરતી ગુલાબી બને છે.

ઘીમાં રહેલા એન્ટી-ઓક્સિડન્ટ્સ ત્વચાને પ્રદૂષણ અને તણાવથી થતા નુકસાન સામે રક્ષણ આપે છે, જેનાથી ચહેરા પર કુદરતી ચમક (નેચરલ ગ્લો) જળવાઈ રહે છે. રાસાયણિક ક્રીમોના બદલે આ દેશી આયુર્વેદિક નુસખો લાંબા ગાળે ત્વચાને કોઈ પણ આડઅસર વિના યુવાન રાખવામાં મદદ કરે છે.

જોકે સ્કિન કેર નિષ્ણાતો સ્પષ્ટતા કરે છે કે જેમની સ્કિન વધુ પડતી ઓઈલી હોય કે ખીલ થવાની સંભાવના વધુ હોય, તેમણે ચહેરા પર સીધું ઘી લગાવવાનું ટાળવું જોઈએ અથવા ઉપયોગ કરતાં પહેલાં સ્કીન એક્સપર્ટની યોગ્ય સલાહ લેવી જોઈએ.

ત્વચા માટે ઘીના ફાયદા

આયુર્વેદ અનુસાર રાત્રે સૂતા પહેલાં ચહેરા પર 1-2 ટીપાં ઘી લગાવવાથી 40 વર્ષ પછી સ્કિન પર પડતી કરચલીઓ અટકે છે. વિટામિન A અને E થી ભરપૂર ઘી કોલેજન વધારી ત્વચાને ટાઈટ, હાઇડ્રેટેડ અને ગ્લોઇંગ રાખે છે. તે ડાઘ-ધબ્બા અને ડ્રાયનેસ દૂર કરે છે, પરંતુ ઓઈલી સ્કિનવાળાએ સાવચેતી રાખવી.