મોડલ જેવો લુક, એસી ફર્સ્ટ ક્લાસમાં બે સૂટકેસમાં દારૂની સપ્લાયર શરૂ કર્યો

 

આ કાર્યવાહી વારાણસીથી મળેલી ગુપ્ત બાતમીના આધારે કરવામાં આવી હોવાનું જણાવાયું છે. ટ્રેન સમસ્તીપુર સ્ટેશન પર પહોંચ્યા બાદ RPF અને CIDની ટીમ એસી ફર્સ્ટ ક્લાસના H-૧ કોચમાં પહોંચી હતી. રૂમ નંબર સાતનો દરવાજો અંદરથી બંધ હતો. દરવાજો ખોલાવ્યા બાદ ટીમે અંદર હાજર નેહા અને ઈશાનના સામાનની તપાસ કરી હતી, જેમાં દારૂનો જથ્થો મળી આવ્યો હતો.

તપાસ દરમિયાન બંને મુસાફરો પાસે માન્ય ટિકિટ ન હોવાની માહિતી પણ સામે આવી હતી. નેહાએ સીટ તેના જુગાજુ ઈશાન કુમારના નામે બુક હોવાનું જણાવ્યું હતું. જોકે, ઈશાન પાસે પણ ટિકિટ ન હોવાનું તપાસમાં જાણવા મળ્યું હતું. RPFએ સમગ્ર કાર્યવાહીની વિડિયોગ્રાફી કસવી હતી અને બંનેને કસ્ટડીમાં લીધા બાદ સરકારી રેલવે પોલીસ એટલે કે GRPને સોંપ્યા હતા.

નેહા ઝા સમસ્તીપુર જિલ્લાના સિંધિયા પોલીસ સ્ટેશન વિસ્તારના બારી ગામના વોર્ડ નંબર ૧૨ની રહેવાસી હોવાનું જણાવાયું છે. તે ચાર બહેનોમાં સૌથી નાની છે. અહેવાલો અનુસાર, તેના પિતા સંજય ઝા અગાઉ ખેતી કરતા હતા, પરંતુ બાદમાં

દારૂની હેરાફેરીના કેસમાં તેમની ધરપકડ થઈ હતી અને તેમને જેલમાં મોકલવામાં આવ્યા હતા.

પિતાની ધરપકડ બાદ પરિવાર સાથે જોડાયેલા દારૂના કથિત નેટવર્કની જવાબદારી મોટી દીકરી નિશુ ઝાએ સંભાળી હોવાનો આરોપ છે. જોકે, નિશુ પણ લાંબા સમય સુધી આ નેટવર્ક ચલાવી શકી નહોતી. ૩૦ નવેમ્બર ૨૦૨૫ના રોજ ૨૧ લિટર વિદેશી દારૂ સાથે તેની ધરપકડ થઈ હતી. ત્યારબાદ તે જેલમાં ગઈ હતી. પોલીસના આક્ષેપ મુજબ, નિશુ જેલમાં ગયા બાદ નેહાએ પોતાના જુગાજુ ઈશાન કુમાર સાથે મળીને આ ગેરકાયદે પ્રવૃત્તિને આગળ વધારવાનું શરૂ કર્યું. આ સમગ્ર મામલે પોલીસ હવે પરિવારના અગાઉના કેસો, નેહા અને ઈશાન વચ્ચેના સંપર્કો તથા દારૂની સપ્લાય ચેઈન અંગે માહિતી એકત્રિત કરી રહી છે. જોકે, માત્ર પરિવારના અગાઉના કેસોના આધારે નેહા સામેના તમામ આક્ષેપો સાબિત થતા નથી. હાલ તેના વિરુદ્ધની કાર્યવાહી તપાસ અને કોર્ટની પ્રક્રિયા પર આધારિત છે. તપાસમાં એક વધુ ગંભીર આક્ષેપ સામે આવ્યો છે. પોલીસ સૂત્રોને ટાંકીને અહેવાલોમાં જણાવાયું છે કે નેહા કથિત રીતે મેડિકલ રિપ્રેઝেন্টেટિવ તરીકે પોતાની ઓળખ આપતી હતી. આ ઓળખના આધારે તે દરભંગામાં કેટલાક ડોક્ટરો અને પૈસાદાર ગ્રાહકો સુધી બ્રાન્ડેડ વિદેશી દારૂ પહોંચાડતી હોવાની શંકા છે. આ દાવાની હજુ સ્વતંત્ર પુષ્ટિ થવાની બાકી છે. પોલીસ હવે એ તપાસી રહી છે કે નેહા ખરેખર કયા લોકોના સંપર્કમાં હતી.