બિહારમાં પૂરનો ખતરો, પટના જળમગ્ન, ઉત્તરાખંડમાં 172 રસ્તાઓ બંધ

મધ્યપ્રદેશના ચિત્રકુટમાં 400 દુકાનો ડૂબી : નદીઓ ગાંડીતૂર

સિટી ન્યૂઝ@દેહરાદૂન

ઉત્તરાખંડમાં છેલ્લા ત્રણ દિવસથી સતત વરસાદ ચાલુ છે. મંગળવારે વરસાદ સંબંધિત અલગ-અલગ ઘટનાઓમાં ૧૨ લોકોના મોત થયા છે. નૈની તળાવનું જળસ્તર ૮૮ ફૂટ પાર થયા બાદ ચેનલો ખોલી દેવામાં આવી છે. રાજ્યમાં ૧૭૨ રસ્તાઓ બંધ છે. નૈનીતાલ, બાગેશ્વર અને દેહરાદૂનમાં આજે ઓરેન્જ એલર્ટ છે. પાંચ

જિલ્લાઓમાં શાળાઓ અને આંગણવાડી કેન્દ્રો બંધ કરી દેવામાં આવ્યા છે.

આ તરફ, બિહારમાં પૂરનો ખતરો વધી ગયો છે. રાજ્યમાં ગંગા-પુનપુન સહિત અનેક નદીઓ ભયજનક સપાટીથી ઉપર વહી રહી છે. પટનામાં સવારથી વરસાદ પડી રહ્યો છે. મંગળવારે ભારે વરસાદને કારણે શહેરના અનેક વિસ્તારોમાં પાણી ભરાઈ ગયું હતું. ભાગલપુરમાં ૧૦૦ વર્ષ જૂનું દુર્ગા મંદિર ધોવાયાને કારણે ગંગામાં સમાઈ ગયું, જ્યારે જહાનાબાદમાં દરધા નદીનું પાણી વહી રહ્યું છે.

ઉત્તર પ્રદેશના સીતાપુરમાં ભારે વરસાદને કારણે દીવાલ ધરાશાયી થતાં બે લોકોના મોત થયા. ગાઝીપુરમાં ગંગામાં નહાતી વખતે બે સગીર વહી ગઈ. ઉન્નાવમાં વરસાદ બાદ ગંગા એક્સપ્રેસવે પર લગભગ ૭ ફૂટ ઊંડો ખાડો પડી ગયો. આ ચોમાસામાં ગંગા એક્સપ્રેસવે ધસી

પડવાની આ બીજી ઘટના છે. જ્યારે બલિયામાં લગભગ ૨૦ હજાર લોકો પૂરથી પ્રભાવિત છે. જ્યારે, મધ્ય પ્રદેશના પૂર્વીય ભાગમાં મજબૂત ચોમાસાની સિસ્ટમ સક્રિય છે. જબલપુર, રીવા, શહડોલ અને સાગર સંભાગમાં ભારે વરસાદ થઈ રહ્યો છે. ચિત્રકુટમાં મંદાકિની નદી ભયજનક સપાટીથી ઉપર છે. રામઘાટની લગભગ ૪૦૦ દુકાનો અને ૨૦-૨૫ હોટલ ડૂબી ગઈ છે.