• CJP પ્રવક્તા બોલ્યા- PMનું નિવેદન મલમ જેવું, અમને ધર્મેન્દ્ર પ્રધાનનું રાજીનામું જોઈએ
• જેપી નડ્ડાના ઘરને બદલે બીજી જગ્યાએ વાતચીતની શરત

સિટી ન્યૂઝ@નવી દિલ્હી

સામાજિક કાર્યકર અન્ના હજારેએ ગુરુવારે વિદ્યાર્થીઓના પ્રદર્શનના સમર્થનમાં મહારાષ્ટ્રના અહિલ્યાનગરમાં મૌન આંદોલન શરૂ કર્યું છે. તેમણે પીએમ મોદીને પત્ર પણ લખ્યો હતો. તેમનું કહેવું છે કે પીએમ સર્વોચ્ચ નેતા છે, તેથી જનતાના સવાલો તેમના સુધી પહોંચાડવા જરૂરી છે. કોકરોય જનતા પાર્ટીના પ્રદર્શન વિરુદ્ધ દિલ્હી હાઈકોર્ટમાં શુક્રવારે સુનાવણી થશે. એક જનહિત અરજીમાં અપીલ કરવામાં આવી છે કે પ્રદર્શનકારીઓએ દિલ્હીને બંધક બનાવી દીધું છે. ઘણા રસ્તાઓ બંધ છે અને સામાન્ય નાગરિકોને ભારે મુશ્કેલીનો સામનો કરવો પડી રહ્યો છે. દિલ્હીના જંતર-મંતર પર કોકરોય જનતા પાર્ટીનું પ્રદર્શન ચાલુ છે. ગુરુવારે સવારથી જ હજારો લોકો ત્યાં એકઠા થયા છે. પાર્ટી પ્રમુખ અભિજીત દીપકે આરોપ લગાવ્યો કે ભાજપ દ્વારા મોકલેલા ગુડાઓ પ્રદર્શનકારીઓ વચ્ચે આવીને પથ્થરમારો કરી રહ્યા છે. ગુરુવારે રાત્રે જંતર-મંતરથી એક કિમી દૂર પોલીસ અને પ્રદર્શનકારીઓ વચ્ચે અથડામણ થઈ હતી. પોલીસ પર પથ્થરમારો બાદ લાઠીચાર્જ કરવામાં આવ્યો હતો. જેમાં ૨ ACP સહિત ૫ પોલીસકર્મી ઘાયલ થયા હતા. પોલીસે આ મામલે FIR નોંધી લીધી છે. સુરક્ષાને ધ્યાનમાં રાખીને સરકારે સવારે દિલ્હીના ૧૬ મેટ્રો સ્ટેશન બંધ કરી દીધા. જેમાં સુપ્રિમ કોર્ટ મેટ્રો સ્ટેશન પણ સામેલ છે. આ મામલો હવે ચીફ જસ્ટિસ સૂર્યકાંત સમક્ષ પહોંચી ગયો છે. પછી CJIએ કહ્યું કે જરૂર પડશે હું દખલ કરીશ.

• પ્રિયંકા સૂત્રોચ્ચાર કરતા NDAના સાંસદો પાસે પહોંચ્યા
• સંસદની બહાર NDA-INDIA ગઠબંધન સામ-સામે
• લોકસભા આવતીકાલ સુધી સ્થગિત

સિટી ન્યૂઝ@નવી દિલ્હી

સંસદના ચોમાસુ સત્રના ચોથા દિવસે ગુરુવારે સંસદ ભવનની બહાર NDA અને વિપક્ષ સામસામે આવી ગયા. કોંગ્રેસ અધ્યક્ષ મલિકાર્જુન ખડગે, કોંગ્રેસ સાંસદ રાહુલ ગાંધી, પ્રિયંકા ગાંધી વાડ્રા, સમાજવાદી પાર્ટી પ્રમુખ અખિલેશ યાદવ સહિત વિપક્ષી સાંસદોએ સરકાર વિરુદ્ધ સૂત્રોચ્ચાર કર્યા.

વિપક્ષની સામે NDAના સાંસદો પણ વિરોધ પ્રદર્શનમાં ઉતર્યા હતા. આ દરમિયાન બંને પક્ષોએ એકબીજા વિરુદ્ધ જોરદાર સૂત્રોચ્ચાર કર્યા. NDA સાંસદો ૨૧ જુલાઈએ પીએમ આવાસની બહાર રાહુલના ધરણાનો વિરોધ કરી રહ્યા છે.

જ્યારે ઇન્ડિયા બ્લોક NEET પેપર લીકને લઈને શિક્ષણ મંત્રી ધર્મેન્દ્ર પ્રધાનના રાજીનામાની માંગ કરી રહ્યું છે. પ્રદર્શન દરમિયાન પ્રિયંકા ગાંધી NDA સાંસદોની બિલકુલ નજીક પહોંચી ગયા. સુરક્ષાકર્મીઓએ વચ્ચે આવીને તેમને રોક્યા. સંસદની અંદર પણ હોબાળો ચાલુ રહ્યો. આને કારણે લોકસભા અને રાજ્યસભાની કાર્યવાહી બપોરે ૨ વાગ્યા સુધી સ્થગિત કરવામાં આવી હતી. ૨ વાગ્યે લોકસભામાં કાર્યવાહી શરૂ થઈ ત્યારે ભારે હોબાળો શરૂ થઈ ગયો. આના પર ગૃહની કાર્યવાહીઆવતીકાલ સુધી સ્થગિત કરવામાં આવી. જ્યારે રાજ્યસભાની કાર્યવાહી હોબાળોને કારણે ૩ વાગ્યા સુધી સ્થગિત કરવામાં આવી.

કોંગ્રેસ સાંસદ પ્રિયંકા ગાંધી વાડ્રાએ વડાપ્રધાન નરેન્દ્ર મોદી પર નિશાન સાધતા કહ્યું- વડાપ્રધાન દેશની દરેક સિદ્ધિ અને મંગળ મિશન સુધીનો શ્રેય લે છે, જે આપણા યુવાનો અને દેશવાસીઓની મહેનતનું પરિણામ છે. હવે તેમની જવાબદારી લેવાનો સમય છે.

• પ્રિયંકાએ કહ્યું- પીએમ મંગળ મિશનનો શ્રેય લે છે તો યુવાનોના ભવિષ્યની જવાબદારી પણ લે
• સરકારે કહ્યું- કોકરોય પાર્ટીને ૪ વખત વાતચીત માટે બોલાવ્યા
• જીતેન્દ્ર સિંહ બોલ્યા- સરકાર કોઈપણ સમયે, દરેક મુદ્દા પર વાતચીત માટે તૈયાર