શું ભારતની શિક્ષણ વ્યવસ્થા ગુણવત્તાવાળી નથી!

ખુદ દેશના શિક્ષણ મંત્રી ધર્મેન્દ્ર પ્રધાનની પુત્રી નૈમિષા પ્રધાને વિદેશની યુનિવર્સિટીમાં અભ્યાસ અર્થે

સિટી ન્યૂઝ@નવી દિલ્હી

• ભારતમાં શિક્ષણ સિસ્ટમ ફેલ છે એટલે જ તો નેતાઓના ભૂલકાઓને વિદેશમાં અભ્યાસ માટે મોકલે છે

• શું ભારતની શિક્ષણ વ્યવસ્થા ગુણવત્તાવાળી નથી? શું ભારતમાં એજ્યુકેશન સિસ્ટમ ખરેખર ફેઈલ થઈ ગઈ છે? આ સવાલો એટલા માટે ઊભા થઈ રહ્યા છે કારણ કે દેશના નીતિ-નિયમો ઘડનારા નેતાઓને જ દેશની શિક્ષણ વ્યવસ્થા પર ભરોસો ન હોય તેવું લાગી રહ્યું છે. દેશના સામાન્ય નાગરિકોના બાળકો સરકારી અને પ્રાઈવેટ સ્કૂલો કે યુનિવર્સિટીમાં ભીણીને બેરોજગારીનો સામનો કરી રહ્યા છે, ત્યારે દેશના દિગ્ગજ નેતાઓના સંતાનો ઉચ્ચ અભ્યાસ માટે વિદેશની નામાંકિત યુનિવર્સિટીઓમાં ગયા હોવાની વિગતો સામે આવી છે. તાજેતરમાં દેશમાં NEET જેવી પરીક્ષાઓના પેપર લીક અને શિક્ષણ વ્યવસ્થાની ખામીઓ પર સવાલો ઊઠી રહ્યા છે. આ બધા વચ્ચે ખુદ દેશના શિક્ષણ મંત્રી ધર્મેન્દ્ર પ્રધાનની પુત્રી નૈમિષા પ્રધાને વિદેશની યુનિવર્સિટીમાં અભ્યાસ કર્યો છે. નાણાપ્રધાન નિર્મલા સીતારમણની પુત્રી પારકલા વાંગમયીએ લંડન સ્કૂલ ઓફ ઈકોનોમિક્સ અને યુએસએની નોર્થવેસ્ટર્ન યુનિવર્સિટીમાંથી અભ્યાસ પૂર્ણ કર્યો છે.

સત્તાધારી પક્ષ હોય કે વિપક્ષ, બધાની પસંદ વિદેશ

ભાજપ-કોંગ્રેસ બંને પક્ષના દિગ્ગજ નેતાઓના સંતાનોએ મેળવ્યું વિદેશી શિક્ષણ

માત્ર સત્તાધારી પક્ષ જ નહીં પરંતુ વિપક્ષના નેતાઓ પણ આ બાબતે પાછળ નથી. કોંગ્રેસ નેતા પ્રિયંકા ગાંધી વાડ્રાના બંને સંતાનો રેહાન અને મિચયા લંડન અને સ્કોટલેન્ડમાં અભ્યાસ અર્થે ગયા હોવાનું સામે આવ્યું છે. કેન્દ્રીય પ્રધાન શિવરાજસિંહ ચૌહાણના પુત્રો યુનિવર્સિટી ઓફ પેન્સિલવેનિયા અને ન્યૂયોર્ક યુનિવર્સિટીમાં ગયા છે. એવિએશન મિનિસ્ટર જ્યોતિરાદિત્ય સિંધિયાના સંતાનોએ યેલ અને રોહો ઇન્સ્ટિટ્યૂટમાં ઉચ્ચ શિક્ષણ મેળવ્યું છે.