ઈરાન અમેરિકા યુધ્ધ વિરામ ખતમ : ટ્રમ્પનું એલાન

NATO સમિટમાં ટ્રમ્પે કહ્યું ઈરાનમાં 80 ઠેકાણાઓ પર તબાહી બાદ હવે કોઈ ડીલ નહીં

સિટી ન્યૂઝ@નવી દિલ્હી

અમેરિકી રાષ્ટ્રપતિ ડોનાલ્ડ ટ્રમ્પે NATO સમિટ દરમિયાન કહ્યું કે ઈરાન સાથે થયેલો યુધ્ધવિરામ કરાર (MoU) હવે સમાપ્ત થઈ ગયો છે અને હવે તેઓ ઈરાન સાથે કોઈ ડીલ કરવા માંગતા નથી. ટ્રમ્પે કહ્યું, અમે ગઇ રાત્રે ઈરાન પર જોરદાર હુમલો કર્યો. ખતરનાક લોકોને ટાર્ગેટ કર્યા. દરેક વખતે તેઓ હુમલો કરશે, અમે જવાબ આપીશું. તેમણે કહ્યું કે અમેરિકાનો ટાર્ગેટ ઈરાનનો પરમાણુ કાર્યક્રમને સમાપ્ત કરવાનો છે. ટ્રમ્પે NATO પર પણ નારાજગી વ્યક્ત કરી. તેમણે કહ્યું કે ગઠબંધને “દુનિયાના સૌથી મોટા આતંક સમર્થક દેશ ઈરાન” વિરુદ્ધ અમેરિકાનો સાથ આપ્યો નથી.

આ પહેલા અમેરિકી સેન્ટ્રલ કમાન્ડ (CENTCOM)એ જણાવ્યું હતું કે તેણે ઈરાનના ૮૦થી વધુ સૈન્ય ઠેકાણાઓ પર એરસ્ટ્રાઈક કરી છે. અમેરિકાના મતે, આ કાર્યવાહી હોર્મુઝમાં જહાજો પર થયેલા હુમલાઓના જવાબમાં કરવામાં આવી હતી.

ખામૈનીના અંતિમ સંસ્કાર વચ્ચે ઈરાને હોર્મુઝમાં ૩ ટેન્કરોને નિશાન બનાવ્યા, જેમાં એક ટેન્કર ક્ષતિગ્રસ્ત હતું. ઈરાને ચેતવણી આપી કે અમારી તરફથી નક્કી કરાયેલા રૂટનો ઉપયોગ ન થવા પર સુરક્ષાની ગેરંટી રહેશે નહીં.

કતરે હોર્મુઝમાં તેના જહાજ પરના હુમલાની નિંદા કરતા ઈરાનને કાયદેસર રીતે સંપૂર્ણપણે જવાબદાર ઠેરવ્યું. સાથે જ કહ્યું કે ઈરાનનો આ હુમલા આંતરરાષ્ટ્રીય દરિયાઈ સુરક્ષા માટે ખતરો છે.

યુરોપિયન યુનિયન એવિએશન એજન્સીએ પ્રાદેશિક તણાવને ધ્યાનમાં રાખીને એરલાઈન્સને ઈરાન, ઈરાક અને લેબનોનની હવાઈ ક્ષેત્રથી બચવાની સલાહ આપી છે. જારી કરાયેલા નિર્દેશમાં જણાવાયું છે કે આ એડવાઈઝરી હાલમાં ૩૧ ઓગસ્ટ સુધી લાગુ રહેશે, જોકે, જરૂર પડ્યે તેની પહેલા પણ સમીક્ષા કરી શકાય છે.

ભારતીય શેરબજારમાં કડાકો : 2000 પોઈન્ટ તૂટ્યું

ફૂડ ઓઈલના ભાવમાં 6%નો વધારો

અમેરિકા અને ઈરાન વચ્ચે યુધ્ધવિરામ સમાપ્ત થવાની જાહેરાત થયા બાદ બુધવારે સેન્સેક્સ ૨૦ મિનિટમાં ૧૦૦૦ પોઈન્ટ ગગડી ગયો. બપોરે ૧ વાગ્યે તે ૪૦ મિનિટે તે ૭૭,૭૦૦ હતો. ૨ વાગ્યે ૧૦૦૦ પોઈન્ટ ઘટીને ૭૬,૭૦૦ પર આવી ગયો. હાલ તે ૧૮૦૦ પોઈન્ટ ઘટીને ૭૬,૩૦૦ પર છે, જ્યારે નિકટમાં પણ લગભગ ૫૦૦ પોઈન્ટનો ઘટાડો જોવા મળ્યો છે, તે ૨૩,૯૦૦ના સ્તરથી પણ નીચે આવી ગયો છે. તમામ સેક્ટર્સ લાલ નિશાનમાં કારોબાર કરી રહ્યા છે. બેંક અને FMCG શેરોમાં સૌથી વધુ ઘટાડો છે.

અમેરિકા અને ઈરાન વચ્ચે ફરી શરૂ થયેલી તણાવને કારણે ફૂડ ઓઈલના ભાવ ૫% વધીને ઈ ૭૫ ડોલરની નજીક પહોંચી ગયા છે. અમેરિકી રાષ્ટ્રપતિ ડોનાલ્ડ ટ્રમ્પે કહ્યું છે કે તેમને લાગે છે કે ઈરાન સાથે થયેલો કરાર હવે સમાપ્ત થઈ ગયો છે. અમે ગઇ રાત્રે ઈરાન પર અત્યંત શક્તિશાળી હુમલો કર્યો. આ પહેલા ગઈકાલે એટલે કે ૭ જુલાઈએ શેરબજારમાં ઘટાડો જોવા મળ્યો હતો. સેન્સેક્સ ૧૦૪ પોઈન્ટના ઘટાડા સાથે ૭૯,૧૮૧ પર બંધ થયો હતો. જ્યારે નિફ્ટીમાં પણ ૩૨ પોઈન્ટનો ઘટાડો જોવા મળ્યો હતો.