• ઉના–ઇન્દોર એક્સપ્રેસની ચોંકાવનારી ઘટના
• રાત્રે 10 વાગ્યે સૂતી વખતે કરક્યો: ટ્રેનમાં ઉંદર આવી જતાં કોચ ચીસોથી ગુંજી ઉઠ્યો

સિટી ન્યૂઝ@ઇન્દોર

ઉના-ઇન્દોર એક્સપ્રેસના ફર્સ્ટ AC કોચમાં મુસાફરી કરી રહેલા ૭૮ વર્ષિય નિવૃત્ત અધિકારી મુસાફરના નાક પર ઉંદરે કરડ્યો. ઘટના રવિવારે રાત્રે સૂતી વખતે બની હતી. ઉંદર કરડવાથી કોચમાં હડકંપ મચી ગયો. ઇન્દોર પહોંચ્યા બાદ પરિવાર વૃદ્ધને કોકિલાબેન હોસ્પિટલ લઈ ગયો. ડોક્ટરોએ તેમને રેબીઝનું પહેલું ઇન્જેક્શન આપ્યું.

પરિવારના જણાવ્યા અનુસાર, ટ્રેનમાં મુસાફરી શરૂ કર્યાના થોડા સમય પછી જ કોચમાં ઉંદર દેવાયા લાગ્યો હતો. રિવારે રેલવે કર્મચારીઓને તેની જાણ કરી. કોચમાં ગંદકીની ફરિયાદ પણ કરી. કર્મચારીઓએ સફાઈ કરી દીધી, પરંતુ પેસ્ટ કંટ્રોલ ન કર્યું.

વૃદ્ધ મુસાફર એચપી કરણ ક્લાસ-વન નિવૃત્ત અધિકારી છે. શનિવારે તેઓ પરિવાર સાથે ચંદીગઢથી ઇન્દોર આવવા માટે ટ્રેનમાં સવાર થયા હતા. તેમના પુત્ર વિજયના જણાવ્યા અનુસાર, ટ્રેનમાં બેઠાના થોડા સમય પછી જ કોચમાં ઉંદર દેખાયા. આ અંગેની ફરિયાદ રેલવે સ્ટાફને કરવામાં આવી હતી.

પરિવારના જણાવ્યા અનુસાર, રાત્રે લગભગ સાડા દસ વાગ્યે એચપી કરણ પોતાની સીટ પર સૂઈ રહ્યા હતા. આ દરમિયાન ઉંદરે તેમના નાક પર કરડ્યું. ઘટના બાદ પરિવારે રેલવે કર્મચારીઓને આ અંગે જાણ કરી.

ઇન્દોર પહોંચ્યા બાદ પરિવારજનો તેમને સીધા કોકિલાબેન હોસ્પિટલ લઈ ગયા. અહીં ડોક્ટરોએ પ્રાથમિક સારવાર આપી અને રેબીઝથી બચાવવા માટે પહેલું ઇન્જેક્શન આપ્યું, ત્યારબાદ તેમની તબીબી દેખરેખ રાખવામાં આવી.

પશ્ચિમ રેલવેના રતલામ મંડળના જનસંપર્ક અધિકારી મુકેશ કુમારે જણાવ્યું કે ઉંદર કરવાની ઘટના ત્યારે બની જ્યારે ટ્રેન આગ્રા રેલવે મંડળ વિસ્તારમાંથી પસાર થઈ રહી હતી. ઘટના બાદ મુસાફરને પ્રાથમિક સારવાર આપવામાં આવી હતી. રેલવે અધિકારીએ જણાવ્યું કે ટ્રેનના ઇન્દોરથી ઉના રવાના થતા પહેલા નિર્ધારિત એન્ટી-રોડેન્ટ એટલે કે ઉંદર નિયંત્રણ પ્રક્રિયા કરવામાં આવી હતી. સંભાવના છે કે યાત્રા દરમિયાન કોઈ જગ્યાએ કોચનો દરવાજો ખુલ્લો રહેતા ઉંદર અંદર આવી ગયો હોય.