રાજકોટ દક્ષિણની સિનિયર સિટીઝન માતાઓએ સોમનાથ-ખોડલધામના દર્શન કરી આધ્યાત્મિક આનંદ મેળવ્યો

સિટી ન્યૂઝ@રાજકોટ

પવિત્ર શ્રાવણ માસમાં ધાર્મિક આસ્થા અને ભક્તિભાવને વધુ પ્રબળ બનાવતી સોમનાથ-ખોડલધામ શ્રાવણ યાત્રાનું આયોજન રાજકોટ દક્ષિણ વિધાનસભા મતવિસ્તારની ૪૮૦ સિનિયર સિટીઝન માતાઓ માટે કરવામાં આવ્યું હતું. ધારાસભ્ય રમેશભાઈ ટીલારાના માર્ગદર્શન હેઠળ નિર્વાણ વેલ્ફેર ફાઉન્ડેશન દ્વારા યોજાયેલી આ યાત્રામાં માતાઓએ પવિત્ર તીર્થધામોના દર્શન કરી ધન્યતા અનુભવી હતી.રાજકોટ દક્ષિણ વિસ્તારની વડીલ માતાઓને શ્રાવણ માસ દરમિયાન ભગવાનના પાવન ધામોના દર્શનનો લાભ મળે, ધાર્મિક યાત્રાનો આનંદ માણી શકે અને તેમની આસ્થાને અનુરૂપ આધ્યાત્મિક અનુભવ પ્રાપ્ત થાય તે હેતુથી ધારાસભ્ય રમેશભાઈ ટીલારાના માર્ગદર્શન હેઠળ આ સેવાભાવી આયોજન કરવામાં આવ્યું હતું.

યાત્રા દરમિયાન સૌપ્રથમ ૪૮૦ સિનિયર સિટીઝન માતાઓએ પ્રથમ જ્યોતિર્લિંગ ભગવાન સોમનાથ મહાદેવના પાવન દર્શન કરી પૂજા-અર્ચના સાથે ધન્યતા અનુભવી હતી. ત્યારબાદ સૌરાષ્ટ્ર સહિત સમગ્ર ગુજરાતના શ્રદ્ધાળુઓ માટે આસ્થાના કેન્દ્ર સમાન કાગવડ સ્થિત શ્રી ખોડલધામ મંદિર ખાતે પણ માતાઓએ શ્રદ્ધાપૂર્વક દર્શન કરી આશીર્વાદ મેળવ્યા હતા.

શ્રાવણ માસમાં સોમનાથ મહાદેવ અને ખોડલધામ જેવા પવિત્ર ધામોના દર્શનનો અવસર મળતા માતાઓમાં વિશેષ ઉત્સાહ અને આનંદ જોવા મળ્યો હતો. યાત્રા દરમિયાન તમામ ૪૮૦ સિનિયર સિટીઝન માતાઓ માટે પરિવહન, ભોજન, દર્શન સહિતની જરૂરી સુવિધાઓનું આયોજન કરવામાં આવ્યું હતું. વડીલોને કોઈ અગવડતા ન પડે તેમજ સમગ્ર યાત્રા દરમિયાન તેમની સલામતી જળવાઈ રહે તે માટે પણ વિશેષ કાળજી લેવામાં આવી હતી.

પવિત્ર તીર્થધામોના દર્શન કરીને ભાવવિભોર બનેલી માતાઓએ યાત્રાને યાદગાર અને આત્મીય અનુભવ ગણાવી હતી. સિનિયર સિટીઝન માતાઓએ ધારાસભ્ય રમેશભાઈ ટીલારા તથા નિર્વાણ વેલ્ફેર ફાઉન્ડેશનના આ સેવાભાવી આયોજન બદલ હૃદયપૂર્વક આભાર વ્યક્ત કરી આશીર્વાદ પાઠવ્યા હતા.

માતૃશક્તિ પ્રત્યે સન્માન, વડીલોની સેવા અને તેમની ખુશીને પ્રાધાન્ય આપવાના ભાવ સાથે યોજાયેલી આ સોમનાથ-ખોડલધામ શ્રાવણ યાત્રા રાજકોટ દક્ષિણની ૪૮૦ સિનિયર સિટીઝન માતાઓ માટે શ્રદ્ધા, આનંદ અને આધ્યાત્મિક શાંતિથી ભરપૂર યાદગાર અનુભવ બની રહી હતી. ધારાસભ્ય રમેશભાઈ ટીલારાના માર્ગદર્શન હેઠળ યોજાયેલા આ આયોજનને સિનિયર સિટીઝન માતાઓ તરફથી પણ ઉત્સાહભેર પ્રતિસાદ મળ્યો હતો.