• હવામાં પલટી મારીને કાર વેન પર જઈ પડી.

• બેંગલુરુમાં એક્શન સીનના શૂટિંગ દરમિયાન બની ઘટના.

• સદનસીબે એક્ટર ઇમરાન હાશ્મીનો આબાદ બચાવ થયો.

સિટી ન્યુઝ @ મુંબઈ

બોલિવૂડ એક્ટર ઇમરાન હાશ્મી હાલમાં પોતાની આગામી ફિલ્મ 'ગનમાસ્ટર G9'ના શૂટિંગમાં વ્યસ્ત છે. તાજેતરમાં બેંગલુરુમાં આ ફિલ્મની ક્લાઇમેક્સ સીનનું શૂટિંગ ચાલી રહ્યું હતું ત્યારે એક મોટો અને ગંભીર અકસ્માત થતાં-થતાં ટળી ગયો હતો. ફિલ્મની શૂટિંગ દરમિયાન ક્રેનથી હવામાં લટકાવવામાં આવેલી એક એસયુવી (SUV) અચાનક પલટી મારીને સામેથી આવી રહેલી બ્લેક વેન પર પડી હતી.

આ ખતરનાક સ્ટંટ શૂટ કરવા માટે ફિલ્મના તમામ ક્રૂ મેમ્બર્સ, કાર અને કેમેરા તૈયાર હતા. જેવું શૂટિંગ શરૂ થયું કે તરત જ ક્રેનથી લટકેલી ગાડી હવામાં અસંતુલિત થઈને પલટી ગઈ અને નીચે ઊભેલી વેન સાથે અથડાઈ. આ ઘટનાને કારણે સેટ પર હાજર તમામ લોકોમાં ભારે ભય અને અફરાતફરી મચી ગઈ હતી.

સદનસીબે આ ભયાનક અકસ્માતમાં એક્ટર ઇમરાન હાશ્મીનો આબાદ બચાવ થયો છે અને તેમને કોઈ પણ પ્રકારની ઈજા થઈ નથી. જો કે, થોડી ક્ષણો માટે સેટ પર મોટો ખતરો ઊભો થયો હતો. આ ખતરનાક સ્ટંટ અને અકસ્માતનો વીડિયો હાલ સોશિયલ મીડિયા પર ખૂબ જ વાયરલ થઈ રહ્યો છે.