• આઝાદીનું જતન કરવું સૌની નૈતિક જવાબદારી : અરવિંદભાઈ લાખાણી
• અરવિંદભાઈએ ધ્વજારોહણ કર્યું; ટ્રસ્ટના વિદ્યાર્થીઓએ દેશભક્તિથી રંગાયેલા ૧૪ સાંસ્કૃતિક કાર્યક્રમો રજૂ કરી ઉપસ્થિતોની દાદ મેળવી

સિટી ન્યૂઝ@રાજકોટ

શ્રી પુજીત વિજયભાઈ રૂપાણી મેમોરીયલ ટ્રસ્ટના ભવન કલ્લોલ, ૧-મયુરનગર ખાતે ટ્રસ્ટની પરંપરા અનુસાર ૧૫ ઓગસ્ટના રાષ્ટ્રીય પર્વ સ્વાતંત્ર્ય દિવસની ભવ્ય ઉજવણી કરવામાં આવી હતી. ટ્રસ્ટના આંગણે મોટી સંખ્યામાં વિદ્યાર્થીઓ, કાર્યકર્તાઓ અને મહાનુભાવો ઉપસ્થિત રહ્યા હતા.

કાર્યક્રમના મુખ્ય મહેમાન અને જાણીતા ઉદ્યોગપતિ અરવિંદભાઈ લાખાણીએ તિરંગો લહેરાવી સલામી આપી હતી. ત્યારબાદ ઉપસ્થિત સૌએ રાષ્ટ્રગીત જન ગણ મન અને રાષ્ટ્રીય ગાન વંદે માતરમનું સામૂહિક ગાન કરી દેશ પ્રત્યેની લાગણી વ્યક્ત કરી હતી.

સ્વાતંત્ર્ય દિવસની શુભેચ્છા પાઠવતાં અરવિંદભાઈ લાખાણીએ જણાવ્યું હતું કે, ભારતે અનેક સંઘર્ષ બાદ આઝાદી મેળવી છે અને આઝાદી માટે અસંખ્ય લોકોએ બલિદાન આપ્યું છે. ત્યારે આઝાદીનું જતન કરવું અને સારા તથા આદર્શ નાગરિક બની દેશની પ્રગતિમાં સહભાગી બનવું સૌની નૈતિક જવાબદારી છે. દેશમાં સ્થિરતા અને વિકાસ જળવાઈ રહે તે માટે સતત પ્રયાસો કરતા રહેવાની તેમણે હાકલ કરી હતી.

ઋષભભાઈ રૂપાણીએ પ્રસ્તાવિક પ્રવચનમાં જણાવ્યું હતું કે, આજે ભારતે વિજ્ઞાન અને ટેકનોલોજી સહિત અનેક ક્ષેત્રોમાં નોંધપાત્ર પ્રગતિ કરી છે અને દેશનું અર્થતંત્ર પણ આગળ વધી રહ્યું છે. અંગ્રેજોએ ૨૦૦ વર્ષ સુધી ભારત પર શાસન કર્યું અને તે પહેલાં પણ લાંબા સમય સુધી ગુલામીનો સામનો કરવો પડ્યો હતો. તેમ છતાં આજે ભારત સતત પ્રગતિ કરી રહ્યું છે તે સૌ માટે ગૌરવની વાત છે.

સ્વ. વિજયભાઈ રૂપાણીને યાદ કરતા તેમણે જણાવ્યું હતું કે, "હવે દેશ માટે મરવાની જરૂર નથી, પરંતુ દેશ માટે જીવવાની જરૂર છે." ભારતની પ્રગતિને શિક્ષણના શિખરે પહોંચાડવાની જવાબદારી સૌની છે તેમ તેમણે જણાવ્યું હતું. ૧૫ ઓગસ્ટને વતન પ્રત્યે પ્રેમ વ્યક્ત કરવાનો અમુલ્ય અવસર ગણાવી ઉપસ્થિત સૌને સ્વાતંત્ર્ય દિવસની શુભેચ્છા પાઠવી હતી.

ધ્વજારોહણ કાર્યક્રમ બાદ ટ્રસ્ટના વિદ્યાર્થી-વિદ્યાર્થીનીઓ દ્વારા રંગારંગ સાંસ્કૃતિક કાર્યક્રમ રજૂ કરવામાં આવ્યો હતો. એકથી ચડિયાતી કુલ ૧૪ કૃતિઓ રજૂ કરવામાં આવી હતી અને દરેક રજૂઆતને ઉપસ્થિતોએ તાળીઓના ગડગડાટથી વધાવી હતી.ધોરણ ૬ના વિદ્યાર્થી દર્શીલ વિશાણીએ સરદાર પટેલના જીવનચરિત્ર પર સુંદર વક્તવ્ય રજૂ કર્યું હતું. તેની રજૂઆતને શ્રોતાઓએ ભારે તાલીઓથી વધાવી હતી. ચાહેગરા ઓમે ૧૯૪૭થી ૨૦૨૩ સુધીના ભારતના વિકાસની ચિત્રાત્મક ઝાંખી રજૂ કરી હતી.

વિદ્યાર્થીઓ દ્વારા કથક નૃત્ય, દેશભક્તિ ફ્યુઝન સોંગ સહિતની રજૂઆતો કરવામાં આવી હતી. વિદ્યાર્થીઓએ પિરામિડ, સૂર્ય નમસ્કાર સહિતની વિવિધ કૃતિઓ રજૂ કરી ઉપસ્થિતોની પ્રશંસા મેળવી હતી. સાંસ્કૃતિક કાર્યક્રમનું સંચાલન ભોજાણી ઓપી અને સુરાણી હીતીશાએ કર્યું હતું.

સમગ્ર કાર્યક્રમ ટ્રસ્ટના ચેરપર્સન અંજલીબેન રૂપાણીના માર્ગદર્શન હેઠળ યોજાયો હતો. કાર્યક્રમમાં અંજલીબેન રૂપાણી ઉપરાંત ડૉ. ગેહુલભાઈ રૂપાણી, ઋષભભાઈ રૂપાણી, અદિતિબેન રૂપાણી, રાજકીય આગેવાન નરેન્દ્રસિંહ ઠાકુર, હરીશભાઈ શાહ, જયસુખભાઈ ડાભી, શૈલેશભાઈ વ્યાસ, કેતનભાઈ મેસવાણી, મુકેશભાઈ મહેતા, હસુભાઈ ગણાત્રા, ઉમેશભાઈ કુંડલીયા, કિશોરભાઈ ગમારા, એન.જી. પરમાર, જીજ્ઞેશ રનોટાર, સ્વજુભાઈ દવેશા, હરેશભાઈ ચાંચીયા, અશીષભાઈ દાવડા, હરેશભાઈ કાપડિયા સહિતના મહાનુભાવો ઉપસ્થિત રહ્યા હતા.

સાંસ્કૃતિક કાર્યક્રમના આયોજનમાં ભાવિનભાઈ ભટ્ટે, સાગરભાઈ પાટીલ, શિતલબા ઝાલા, પ્રેમભાઈ જોષી, અંજનાબેન રનોટાર, અંજનાબેન સારેસા, પૂજાબેન પરમાર, પ્રીતીબેન મહેતા, ધાનીબેન મકવાણા, હાજરાબેન બુંબાણીડિયા, શીંગ રીનારાની, નયનાબેન ડાભી, કાંતિભાઈ નિરેજની, અനിൽભાઈ ચાવડા, પ્રવીણાભાઈ વેકરીયા સાથે જહેમત ઉઠાવી હતી. ધ્વજારોહણ કાર્યક્રમનું સંચાલન તથા આભારવિધિ ટ્રસ્ટના હસુભાઈ ગણાત્રાએ કરી હતી. ટ્રસ્ટના વહીવટી અધિકારી ભાવિનભાઈ ભટ્ટે કાર્યક્રમની સફળતા બદલ સહયોગ આપનાર સૌનો આભાર વ્યક્ત કર્યો હતો.