• પિડિતાએ કહ્યું : રામના દર્શન કરાવવાના બહાને દુષ્કર્મ કર્યું

• પતિએ છૂટાછેડા માંગ્યા મહારાજ હવે મને પત્નીની જેમ રાખે 

સિટી ન્યૂઝ@અયોધ્યા

અયોધ્યાના રહેવાસી કથાકાર પવન દેવ મહારાજ (૪૨) સામે બિહારની એક મહિલાએ દુષ્કર્મની ફરિયાદ કરી છે. મહિલાએ કહ્યું, કથાકાર પવન દેવ મહારાજ તેને રામ મંદિરના દર્શન કરાવવાના બહાને અયોધ્યા લઈ આવ્યો. અહીં દુષ્કર્મ કર્યું. આ પછી મંદિરમાં ખોટા લગ્ન કર્યા. થોડા સમય સુધી પોતાની સાથે રાખી. પછી જબરદસ્તીથી પિયર મોકલી દીધી. મહિલાનો આરોપ છે કે કથાકારે તેના લગભગ ૧૦ લાખના દાગીના પડાવી લીધા. વિરોધ કરવા પર કથાકાર અને તેના પિતા પંડિત આકાંત શાસ્ત્રીએ મારપીટ કરી. જાનથી મારી નાખવાની ધમકી આપી.

પોલીસે શનિવારે રાત્રે મહિલાની ફરિયાદના આધારે કેસ નોંધ્યો છે. આખો મામલો જિલ્લા મુખ્યાલયથી ૨૫ કિમી દૂર બિહારપુર કોતવાલી વિસ્તારનો છે. પીડિત મહિલા બિહારના સીવાન જિલ્લાની રહેવાસી છે. તે પહેલાથી જ પરિણીત છે. બે બાળકો પણ છે. મહિલાએ જણાવ્યું- ૧૦ જુલાઈ, ૨૦૨૩ના રોજ ચંપારણમાં કથા હતી. આ જ કથામાં પહેલીવાર મારી મુલાકાત પવન દેવ મહારાજ સાથે થઈ હતી. તેમણે મારો નંબર લીધો અને અમારા બંને વચ્ચે વાતચીત શરૂ થઈ ગઈ. પવન દેવ મહારાજ મને પોતાના ફોટા અને વીડિયો મોકલતો હતો. ધીમે ધીમે અમારા બંને વચ્ચે નિકટતા વધતી ગઈ.

મહિલાએ જણાવ્યું કે, પવન દેવ બિહારના મુઝફ્ફરપુર આવ્યો. મને ફોન કર્યો કે મારી સાથે ચાલ, રામ મંદિરના દર્શન કરાવી દઈશ. મને વીઆઈપી દર્શન કરાવવાનો ભરોસો પણ આપ્યો. ત્યાંથી મને અને મારા દીકરાને ૧૦ જુલાઈ ૨૦૨૫ના રોજ અયોધ્યા લઈ આવ્યો.

તેણે મને પોતાના ઘરે રોકાવાની વ્યવસ્થા કરી આપી. કહેવા લાગ્યો કે અયોધ્યામાં મારું ઘર છે અને આપણે ઘરમાં જ રોકાઈશું. ઘરમાં પવન દેવની માતા અને નાનો ભાઈ આનંદ મિશ્રા હાજર હતા. બીજા દિવસે કથાવાચકની માતા પિયર ચાલી ગઈ. આ પછી તક મળતાં પવન દેવ મહારાજે મારી સાથે દુષ્કર્મ કર્યું. ઘટના પછી મેં વિરોધ કર્યો અને પોલીસમાં ફરિયાદ કરવાની વાત કહી. આના પર કથાવાચકે મારી માફી માંગતા લગ્ન કરવાનું વચન આપ્યું. કથાવાચકે મને પોતાની પાસે જ રાખી, કારણ કે તેને ડર હતો કે જો હું તરત પોલીસ પાસે ગઈ અને મેડિકલ તપાસ થઈ તો મામલો બહાર આવી શકે છે.

મહિલાએ જણાવ્યું કે, ઘટના પછી મેં મારા પરિવારજનોને સંપૂર્ણ માહિતી આપી. પરિવારે મને સાવધાન રહેવા કહ્યું. પરંતુ, મેં કથાવાચકના લગ્નના વચન પર ભરોસો કરી લીધો. ૧૭ ઓગસ્ટ, ૨૦૨૫ના રોજ નાકા હનુમાનગઢીમાં અમે બંનેએ લગ્ન કર્યા. આ પછી તે મને પોતાના ઘરે લઈ ગયો. ઘરે તેની માતા, ભાઈ આનંદ મિશ્રા, પિતા પંડિત રમાકાંત શાસ્ત્રી બધા લોકો હતા. ત્યાં હું રહેવા લાગી. આ દરમિયાન હું ગર્ભવતી પણ થઈ ગઈ હતી.