ચાર વર્ષમાં લિવ ગોલ્ફ લીગનો પરપોટો ફૂટી ગયો!
- PIF એ હાથ ખેંચતા લીગ નાદાર થવાને આરે!
- 2021 થી અત્યાર સુધીમાં 1.1 અબજ ડોલરની ખોટ!
- નાની કંપનીઓ અને બ્રિટનની 5 કંપનીઓના નાણાં બાકી!
સિટી ન્યુઝ @ દિલ્હી
સાઉદી અરેબિયાના સમર્થનવાળી લિવ ગોલ્ફ લીગ ચાર વર્ષમાં જ આર્થિક સંકટમાં આવી ગઈ છે અને સતત ખોટ વચ્ચે સાઉદી અરેબિયાના પબ્લિક ઈન્વેસ્ટમેન્ટ ફંડ PIF એ હાથ પાછા ખેંચતા લીગ નાદાર થવાની સ્થિતિમાં પહોંચી છે.
2021 માં સ્થાપના અને 2022 માં ઈંગ્લેન્ડમાં પ્રથમ સીઝન બાદ PIF એ આશરે 5 અબજ ડોલર એટલે કે 4,665 કરોડ રૂપિયાનું રોકાણ કર્યું હતું, પરંતુ અત્યાર સુધીમાં કુલ ખોટ 1.1 અબજ ડોલર એટલે કે 10,259 કરોડ રૂપિયાથી વધુ પહોંચી ગઈ છે.
જાહેરાત, પ્રસારણ અધિકાર, ટિકિટ અને સ્પોન્સરશિપથી થતી આવક ખર્ચ સામે પૂરતી ન રહેતા 13 ટીમો, 9 દેશોમાં 14 ટુર્નામેન્ટ અને 242 કરોડ રૂપિયાથી વધુની ઈનામી રકમ ધરાવતી આ લીગ પર નાની કંપનીઓ તથા બ્રિટનની આશરે પાંચ કંપનીઓના કરોડો રૂપિયા ન ચૂકવ્યાના આરોપ લાગ્યા છે.
PIF એ 30 એપ્રિલ 2026 ના રોજ જાહેરાત કરી હતી કે તે 2026 સીઝન બાદ લિવ ગોલ્ફને ફંડ આપશે નહીં, ત્યારબાદ લીગે અન્ય રોકાણકારો સાથે વાતચીત કરી હોવા છતાં ખાસ સફળતા મળી નથી.
આ સમગ્ર વિવાદથી સાઉદી અરેબિયાના રોકાણ મોડેલ અને રમતની વ્યૂહરચના પર સવાલો ઊભા થયા છે, જેની અસર 2034 ફીફા વિશ્વ કપની યજમાની કરનાર દેશની છબી પર પણ પડી છે.
રમતગમત રોકાણ, આવક મોડેલ અને નાણાકીય ટકાઉપણું
વૈશ્વિક રમતગમત લીગમાં ભારે રોકાણ અને ઊંચી ઈનામી રકમ શરૂઆતમાં આકર્ષણ ઊભું કરે છે, પરંતુ લાંબા ગાળાની ટકાઉપણું આવક અને ખર્ચના સંતુલન પર નિર્ભર રહે છે. મોટા રોકાણોના પરિણામો રમત વ્યવસાય તેમજ દેશની વૈશ્વિક છબી બંને પર અસર કરે છે.