• નવી સિસ્ટમ મુસાફરો માટે રૂ. 125 થી 150ના હાલના ટોલને ઘટાડી 15 રૂપિયા કરી 3000નો પાસ બનશે 200 ટોલ ક્રોસિંગ પર મુસાફરી કરી શકશે
• ભવિષ્યની યોજના જાહેર : ટોલ પ્લાઝા પર વાહનોને રોકવાની જરૂર નહી

સિટી ન્યૂઝ@સુરત : કેન્દ્રીય માર્ગ પરિવહન મંત્રી નીતિન ગડકરીએ જણાવ્યું હતું કે ૨૦૨૬ના અંત સુધીમાં દેશભરમાંથી ટોલ પ્લાઝા દૂર કરી શકાય છે. તેને એક નવી સિસ્ટમ દ્વારા બદલવામાં આવશે જેમાં વાહનો રોકાયા વિના મુસાફરી કરી શકશે અને ફક્ત મુસાફરી કરેલા અંતરના આધારે ટોલ ચૂકવવો પડશે.

ટાઈમ્સ ગ્રુપના 'ટાઈમ્સ ડ્રાઇવ ઓટો સમિટ એન્ડ એવોર્ડ્સ ૨૦૨૬'માં મુખ્ય મહેમાન ગડકરીએ જણાવ્યું હતું કે નવી સિસ્ટમ નંબર પ્લેટ ઓળખ ટેકનોલોજી અને ર્જ્ખ્લ્વ્ી પર આધારિત હશે. આ હેઠળ, વાહનોને ટોલ બૂથ પર રોકાવાની જરૂર રહેશે નહીં. આ સિસ્ટમ ૮૫ ટોલ પોઈન્ટ પર લાગુ કરવામાં આવી છે અને વર્ષના અંત સુધીમાં દેશભરમાં લાગુ કરવાની યોજના છે.

નીતિન ગડકરીએ જણાવ્યું હતું કે નવી સિસ્ટમ નંબર પ્લેટ ઓળખ ટેકનોલોજી અને ર્જ્ખ્લ્વ્ી પર આધારિત હશે. ગડકરીએ દાવો કર્યો હતો કે નવી સિસ્ટમ મુસાફરી ખર્ચમાં નોંધપાત્ર ઘટાડો કરશે. રૂ.૧૨૫-૧૫૦ ના વર્તમાન ટોલને લગભગ રૂ.૧૫ સુધી ઘટાડી શકાય છે. તેમણે રૂ.૩,૦૦૦ પાસનો પણ ઉલ્લેખ કર્યો હતો, જે ૨૦૦ ટોલ ક્રોસિગ પર મુસાફરીને સક્ષમ બનાવી શકે છે. તેમણે કહ્યું કે દિલ્હી-જયપુર, દિલ્હી-દહેરાદૂન, અમૃતસર, કટરા અને શ્રીનગર સહિત અનેક હાઇવે કોરિડોર પર કામ ઝડપથી ચાલી રહ્યું છે. દિલ્હી-ચેન્નાઈ અને ચેન્નાઈ-બેંગલુરુ એક્સપ્રેસવે પ્રોજેક્ટ્સની પ્રગતિનો પણ ઉલ્લેખ કરવામાં આવ્યો હતો.

અગાઉ, નીતિન ગડકરીએ ભારતની પ્રથમ મલ્ટી-લેન ફ્રી ફલો (MLFF) અવરોધ-મુક્ત ટોલિગ સિસ્ટમ શરૂ કરવાની જાહેરાત કરી હતી. આ સિસ્ટમ ગુજરાતમાં NH-48 ના સુરત-ભરૂચ સેક્શન પર ચોર્યાસી ટોલ પ્લાઝા પર શરૂ કરવામાં આવી હતી, જેનાથી વાહનો રોકાયા વિના ટોલ ચૂકવી શકે છે. આ આધુનિક સિસ્ટમ ઓટોમેટિક નંબર પ્લેટ રેકગ્નિશન (ANPR) જેવી અદ્યતન 
તકનીકોનો ઉપયોગ કરે છે, જે વાહન ચાલતા જતા ટોલ કાપવાની મંજૂરી આપે છે.