ખાંડની કિંમતમાં બે મહિનામાં લગભગ 40 ટકાનો વધારો થયો છે. ટાટા કન્ઝયુમર પ્રોડકટસે મીઠાના એક પેકેટની કિંમત અગાઉથી જ 30 રૂપિયાથી વધારીને 32 રૂપિયા કરી નાખી છે. સરસવથી માંડીને સૂરજમુખી, મગફળી, પામ ઓઈલ 10થી27 ટકા મોંઘા થઈ ગયા છે. પતંજલી ફુડસ સહિત અનેક કંપનીઓએ ખાદ્ય તેલની કિંમતો વધારી છે.

= ટાયર, પેઈન્ટ, એસી પણ મોંઘા
જે.કે.ટાયર સપ્ટેમ્બરના અંત સુધીમાં ટાયરોના ભાવમાં 11થી13 ટકા ભાવ વધારવાની યોજના બનાવી રહ્યું છે. તેમાં છેલ્લા બે મહિનામાં 5થી6 ટકાનો થયેલો વધારો સામેલ છે. અન્ય ટાયર કંપનીઓ પણ ભાવવધારો કરવાની તૈયારીમાં છે. ફેબ્રુઆરીથી એપ્રિલ દરમિયાન એર કન્ડીશનરની કિંમતોમાં લગભગ 15 ટકા સુધીનો વધારો થયો છે, તેનું કારણ મોંઘુ તાંબુ, માલ પરિવહન, નબળો પડેલો રૂપિયો છે. એશિયન પેઈન્ટસએ પણ કિંમતોમાં લગભગ 12 ટકાનો વધારો કર્યો છે.

= રોજબરોજના વપરાશની ચીજોના ભાવમાં વધારો
ડાબરે તેના હેર ઓઈલ અને અન્ય ઉત્પાદનોની કિંમત વધારી દીધી છે. કોલગેટ, પામોલીવ ટુથપેસ્ટ સહિત અન્ય ઉત્પાદનોના દામ પણ વધારી દીધા છે. બ્રિટાનીયાએ સપ્ટેમ્બર ત્રિમાસિકમાં બિસ્કુટના ભાવમાં 15.2 ટકાનો વધારો કરવાનું કે 5-10 રૂપિયાવાળા પેકેટનું વજન ઘટાડવાનું વિચાર કરી રહી છે. હિન્દુસ્તાન યુનિલીવરે ઈનપુટ કોસ્ટમાં 2-5 ટકા વધારાની આશંકા છે, જેથી આબુ અને ડિટરજન્ટ મોંઘા થઈ શકે છે.

= કાર ખરીદવામાં ખિસ્સુ હળવુ થઈ શકે છે
ટાટા મોટર્સ પેસેન્જર વ્હીકલ્સે પોતાના યાત્રી વાહનોમાં સપ્ટેમ્બરથી 25 હજાર રૂપિયા સુધીના વધારાની જાહેરાત કરી છે. કાચો માલ અને અન્ય કોમોડીટીના વધતા ખર્ચના કારણે હુંડઈ મોટર્સે પણ સપ્ટેમ્બરથી પોતાના બધા મોડલોમાં 1 ટકા સુધી ભાવ વધારાની જાહેરાત કરી છે. મારુતી સુઝુકીએ પણ ઓગષ્ટમાં પોતાની કારોની કિંમતમાં 30 હજાર રૂપિયા સુધીનો વધારો કરી નાખ્યો છે.

= મોંઘવારી ઘટાડવાના રિઝર્વ બેન્કના ઉપાયો પણ ખિસ્સાનો બોજ વધારશે!
જો આવનારા દિવસોમાં ખાવા-પીવાની વસ્તુઓ અને ઈંધણની કિંમતો આ રીતે વધતી રહી તો આરબીઆઈ વ્યાજ દર વધારી શકે છે. આરબીઆઈ એમપીસીની મિનિટસમાં તેના સભ્યોને સ્પષ્ટ સંકેત આપ્યા છે કે વધતી મોંઘવારી પર લગામ લગાવવા માટે ચાલુ નાણાકીય વર્ષમાં વ્યાજદરમાં વધારો કરી શકે છે.

આથી બની શકે કે મોંઘવારીમાં કંઈક ઘટાડો થાય પણ એથી બધા પ્રકારની લોનો મોંઘી થઈ જશે અને હાલના ઈએમઆઈ વધી જશે, જેથી આમ આદમીના ખિસ્સા પર બોજ વધી જશે.