સિટી ન્યૂઝ@બોટાદ

બોટાદ જિલ્લાના ગઢડા તાલુકાના ઉગામેડી ગામે આડા સંબંધની શંકામાં યુવકની હત્યાની ચકચારી ઘટના સામે આવી છે. ભીમદાદ ગામે રહેતા દિનેશભાઈ લાભાભાઈ સાગાણીએ તુર્જા ગામના છનાભાઈ પરમારની પત્ની સાથે પ્રેમસંબંધ હોવાની શંકા હતી. આ બાબતની જાણ થતાં છનાભાઈ રોષે ભરાયો હતો અને દિનેશભાઈ રોયે ભરાયો હતો અને રસ્તામાં ઘેરી લીધા હતા. દરમિયાન દિનેશભાઈ ઉગામેડી ગામે પહોંચ્યા ત્યારે છનાભાઈએ તેમને રસ્તામાં ઘેરી લીધા હતા. બંને વચ્ચેની સ્થિતિ ઉગ્ર બનતાં છનાભાઈએ તીક્ષ્ણ છરી વડે દિનેશભાઈ પર હુમલો કર્યો હતો. ગંભીર ઇજાઓને કારણે દિનેશભાઈનું મોત નીપજ્યું હતું અને બનાવને પગલે સમગ્ર વિસ્તારમાં ચકચાર મચી ગઈ હતી.

પોલીસ તપાસમાં આરોપીએ પોતાની પત્ની પર પણ છરી વડે હુમલો કરી તેને ઇજા પહોંચાડી હોવાનું સામે આવ્યું છે. આ સમગ્ર ઘટનાને લઈને પોલીસ દ્વારા હત્યા સહિતના ગુનાની તપાસ શરૂ કરવામાં આવી છે. પત્નીના સંબંધ અંગેની શંકા અને તેના પગલે સર્જાયેલા વિવાદને હત્યાના મુખ્ય કારણ તરીકે તપાસવામાં આવી રહી છે.

ક્ષણિક આવેશનો કરુણ અંજામ

પત્નીના સંબંધ અંગેની શંકાથી શરૂ થયેલો વિવાદ એક યુવકના મોત અને પરિવારના અન્ય સભ્યને ઇજા સુધી પહોંચી ગયો. કાયદો હાથમાં લઈને ગુસ્સામાં લેવાયેલું એક પગલું કેટલું ગંભીર પરિણામ લાવી શકે તેનું આ બનાવ વધુ એક ઉદાહરણ છે. પોલીસે હવે સમગ્ર ઘટનાના સંજોગો અને આરોપીના કૃત્ય પાછળની હકીકત અંગે તપાસ આગળ ધપાવી છે.