=> સુરક્ષા સાથે સંસ્કારનો સંદેશ: મહિલા પોલીસ દિપાલી પટેલનો માનવતાભર્યો સ્પર્શ

=> દિપાલી પટેલ માત્ર કાયદો જ નહીં પણ સમાજમાં જાગૃતિ ફેલાવવાનું કામ પણ કરે છે

=> લાખો લોકો સુધી પહોંચતો સુરક્ષાનો સંદેશો

સિટી ન્યૂઝ@રાજકોટ

રાજકોટ સિટી પોલીસમાં ફરજ બજાવતી એક મહિલા પોલીસ કોન્સ્ટેબલ પોતાની અનોખી કામગીરી દ્વારા માત્ર કાયદો જ નહીં, પણ સમાજમાં જાગૃતિ ફેલાવવાનું મહત્વપૂર્ણ કાર્ય કરી રહી છે. ખાખી યુનિફોર્મમાં ફરજ બજાવતા તેઓ સમાજ માટે એક પ્રેરણાસ્રોત બની રહ્યા છે.

સોશિયલ મીડિયા જેવા આધુનિક માધ્યમનો ઉપયોગ કરીને તેઓ સાયબર ફ્રોડ, ઓનલાઈન ઠગાઈ, મહિલાઓની સુરક્ષા અને યુવતીઓ માટે સેફ્ટી જેવા મહત્વપૂર્ણ મુદ્દાઓ પર સરળ અને સમજાય તેવી ભાષામાં વીડિયો બનાવી લોકો સુધી પહોંચાડી રહ્યા છે. તેમના પ્રયાસોથી લાખો લોકો જાગૃત બની રહ્યા છે અને સાવચેતી રાખવા પ્રેરાઈ રહ્યા છે.

આ મહિલા પોલીસ માત્ર પોતાની ફરજ સુધી મર્યાદિત નથી, પરંતુ સમાજમાં સકારાત્મક પરિવર્તન લાવવા માટે સતત પ્રયત્નશીલ છે. ખાસ કરીને યુવાનો અને મહિલાઓ માટે તેઓ એક મજબૂત અવાજ બની ઊભા રહ્યા છે, જે તેમને સુરક્ષા અને આત્મવિશ્વાસનો સંદેશ આપે છે. તેમની આ સેવા અને સમર્પણ ખરેખર પ્રશંસનીય છે. આવી અધિકારીઓને પ્રોત્સાહન મળે અને તેમની કામગીરી વધુ લોકો સુધી પહોંચે તે સમયની માંગ છે. રાજકોટ પોલીસની આ દીકરી આજે સમાજ માટે આશાની કિરણ બની છે.

સોશિયલ મીડિયાનો આધુનિક ઉપયોગ કરીને સાયબર ફ્રોડ, ઓનલાઈન ઠગાઈ, મહિલાઓની સુરક્ષા અને યુવતીઓ માટે સેફ્ટી જેવા મહત્વપૂર્ણ મુદ્દાઓ પર સરળ અને સમજાય તેવી ભાષામાં વીડિયો બનાવી લોકો સુધી પહોંચાડી રહ્યા છે