• સુકાયેલી મગફળી અને ઘાસચારો લઈને AAP ધારાસભ્યો વિધાનસભા પહોંચ્યા

સિટી ન્યૂઝ@રાજકોટ

વિધાનસભા સત્રના પ્રથમ દિવસે આમ આદમી પાર્ટીના નેતાઓ અને ધારાસભ્યો સુકાયેલી મગફળી સહિતના સુકાયેલા પાક અને ઘાસચારો લઈને વિધાનસભા પહોંચ્યા હતા. દુષ્કાળ ઘોષણા સત્યાગ્રહની આગેવાની કરી રહેલા ઇસુદાન ગઢવી સાથે AAP ધારાસભ્યો ગોપાલ ઇટાલિયા, ચૈતર વસાવા, હેમંત ખવા અને સુધીર વાઘાણીએ ખેડૂતો માટે તાત્કાલિક દુષ્કાળ જાહેર કરવાની માંગ ઉઠાવી હતી.

ઇસુદાન ગઢવીએ જણાવ્યું હતું કે દેવભૂમિ દ્વારકા, પોરબંદર, સૌરાષ્ટ્ર, કચ્છ અને ઉત્તર ગુજરાતના અનેક

વિસ્તારોમાં ખેડૂતો દુષ્કાળ જેવી ગંભીર સ્થિતિનો સામનો કરી રહ્યા છે. વરસાદની અછત અને સિંચાઈના પાણીની સમસ્યાને કારણે ઊભો પાક સુકાઈ ગયો છે. પરિણામે ખેડૂતો પર આર્થિક ભારણ વધી રહ્યું છે અને અનેક ખેડૂતો દેવાના બોજા હેઠળ આવી ગયા છે. બીજી તરફ, પશુપાલકોને ઘાસચારો અને પીવાના પાણીની અછતનો સામનો કરવો પડી રહ્યો છે.

તેમણે કહ્યું કે ખેડૂતો અને પશુપાલકોની વાસ્તવિક સ્થિતિ સરકાર સમક્ષ રજૂ કરવા માટે સુકાયેલી મગફળી, અન્ય સુકાયેલા પાક અને ઘાસચારો વિધાનસભા સુધી લાવવામાં આવ્યા છે. સરકાર તાત્કાલિક દુષ્કાળ જાહેર કરી સિંચાઈ માટે પાણીની વ્યવસ્થા ફેર તેવી માંગ છે. પાક સુકાઈ ગયો હોવા છતાં ખેડૂતોને પૂરતી રાહત અને સહાય ન મળતી હોવાનો મુદ્દો પણ તેમણો ઉઠાવ્યો હતો.

ઇસુદાન ગઢવીએ વધુમાં જણાવ્યું હતું કે ઘાસચારાની અછતના કારણે માલધારીઓ હિજરત કરવા મજબૂર બની રહ્યા છે. ખેડૂતોને ૧૫ દિવસે એક ઘાસચારાની ઘાંસડી મળે તો તેનાથી પશુપાલનનું ભરણપોષણ કેવી રીતે શક્ય બને તે ગંભીર પ્રશ્ન છે. પીવાના પાણીની સમસ્યા પણ અનેક વિસ્તારોમાં ઊભી થઈ છે અને સિંચાઈના પાણીની વાત તો દૂર રહી, લોકો માટે પીવાનું પાણી મેળવવું પણ મુશ્કેલ બની રહ્યું છે.

તેમણે જણાવ્યું હતું કે ખેડૂતો આંદોલન કરે અથવા પરિસ્થિતિ વધુ ગંભીર બને તેની રાહ જોવાનું બદલે સરકારે તાત્કાલિક રાહત પેકેજ, પાણી અને ઘાસચારાની વ્યવસ્થા જાહેર કરવી જોઈએ. ખેડૂતો, પશુપાલકો અને ખેતમજૂરોને بچાવવા માટે AAPના ધારાસભ્યો વિધાનસભામાં આ મુદ્દો ગજબુતીથી રજૂ કરશે.

AAPના જણાવ્યા મુજબ, ગોપાલ ઇટાલિયા, ચૈતર વસાવા, હેમંત ખવા અને સુધીર વાધાણી વિધાનસભામાં દુષ્કાળ જાહેર કરવાની માંગ સાથે ખેડૂતોના પ્રશ્નો ઉઠાવશે અને સરકાર પાસેથી તાત્કાલિક પગલાંની માંગ કરશે.