રસોડુ છૂટ્યું, સપના જાગ્યા, મહિલાઓને મળી નવી દિશા

રાજકોટમાં રહેતા તમામ વોરા પરિવાર માટે ‘ટિફિન સેવા’ : 365 દિવસ બપોરે ટિફિન ઘરે આવી જાય

સિટી ન્યૂઝ@રાજકોટ

ચાર દાયકાથી વધુ સમય સુધી રસોડાના ધુમાડામાં જીવન વિતાવ્યા બાદ એક વૃદ્ધ મહિલાએ હવે રસોઈની જવાબદારીમાંથી મુક્તિ મેળવી છે. છેલ્લા કેટલાક મહિનાથી તેમણે પરિવાર માટે રસોઈ બનાવવાનું બંધ કર્યું છે અને હવે તેઓ ઘરેથી જ નાના વ્યવસાય દ્વારા પરિવારની આવકમાં સહયોગ આપી રહ્યા છે.

દાઉદી વોહરા સમુદાયમાં “કોમ્યુનિટી કિચન” નામની વ્યવસ્થાને કારણે અનેક મહિલાઓને રોજિંદી રસોઈના કામમાંથી રાહત મળી છે. આ વિચાર સમુદાયના ધાર્મિક નેતૃત્વ દ્વારા થોડાં વર્ષો પહેલાં રજૂ કરવામાં આવ્યો હતો, જેના હેતુ મહિલાઓને ઘરકામમાંથી મુક્ત કરી તેમને શિક્ષણ, ધાર્મિક પ્રવૃત્તિઓ અને નાના વ્યવસાય તરફ આગળ વધવા પ્રોત્સાહિત કરવાનો છે.

રાજકોટ, જ્યાં આશરે ૨,૨૦૦ વોહરા પરિવારો વસે છે, ત્યાં આ સિસ્ટમને વિશેષ પ્રતિસાદ મળ્યો છે. તેમાંથી લગભગ અડધા પરિવારો કોમ્યુનિટી કિચનથી દરરોજ ટિફિન સેવા મેળવે છે. પરિવારો દર મહિને નક્કી રકમનું યોગદાન આપે છે અને તેમને દિવસમાં બે સમયનું ભોજન ઉપલબ્ધ કરાવવામાં આવે છે.

સ્થાનિક વેપારીઓના જણાવ્યા મુજબ, પહેલા મહિલાઓનો મોટો સમય રસોઈમાં જ પસાર થતો હતો, પરંતુ આ વ્યવસ્થાથી તેઓ વધુ સર્જનાત્મક અને આવકદાયક પ્રવૃત્તિઓ તરફ ધ્યાન આપી શકે છે.

કોમ્યુનિટી કિચનના સંચાલકો મુજબ, રસોઈયાઓ માટે વિશેષ તાલીમ આપવામાં આવે છે જેથી ભોજનની ગુણવત્તા અને સ્વચ્છતા જળવાઈ રહે. શહેરમાં અનેક રસોડાં કાર્યરત છે જે વિવિધ વિસ્તારોમાં સેવા આપે છે.

આ વ્યવસ્થા માત્ર ભોજન પૂરું પાડતી નથી, પરંતુ સમુદાયમાં સમાનતા, સહકાર અને એકતાને પણ મજબૂત બનાવે છે. સાથે સાથે, જરૂરિયાતમંદ પરિવારોને સબસિડી દરે ભોજન પણ ઉપલબ્ધ કરાવવામાં આવે છે.

કારણ શું

રસોઈના કામમાંથી મહિલાઓ મુક્ત કરી ધાર્મિક પ્રવૃત્તિઓ બાળકોના શિક્ષણ અને નાના વ્યવસાયો તરફ ધ્યાન આપવા શરૂ કરાયું છે