સીટી એ-ડિવિઝન પોલીસનો સપાટો; મહાદેવ મંદિર પાસે રેઇડ પાડી રોકડ અને ગંજીપતા જપ્ત કર્યા

નાનકપુરી વિસ્તારમાં સર્વેલન્સ સ્કોડની કાર્યવાહી; જુગારધારા હેઠળ ગુનો નોંધી આગળની તપાસ હાથ ધરાઈ

 કીરણબેન, જોશનાબેન સહિત પાંચ સામે કાયદેસરની કાર્યવાહી; સીટી એ-ડિવિઝન પોલીસની સફળ રેઇડ

જામનગર: જામનગર શહેરના સીટી એ-ડિવિઝન પોલીસ સ્ટેશન હેઠળના નાનકપુરી વિસ્તારમાં પોલીસે જુગાર વિરુદ્ધ કડક કાર્યવાહી હાથ ધરી છે. નાનકપુરી મહાદેવ મંદિર નજીક જાહેર સ્થળે મહિલાઓ જુગાર રમી રહી હોવાની બાતમી મળતા સર્વેલન્સ સ્કોડ દ્વારા રેઇડ કરવામાં આવી હતી, જેમાં પાંચ મહિલાઓ રંગેહાથ પકડાઈ ગઈ હતી.

મહિલા મંડળીમાં રમાતો હતો જુગાર ગઈકાલે સાંજે પોલીસે જ્યારે નાનકપુરીમાં ઓચિંતી તપાસ કરી ત્યારે પાંચ મહિલાઓ ગંજીપતાના પાનાથી "તીનપત્તી" નામનો જુગાર રમતા અને પૈસાની હાર-જીત કરતા પકડાઈ હતી. આ રેઇડમાં પોલીસે સ્થળ પરથી ₹11,250ની રોકડ રકમ અને ગંજીપતાના 52 પાનાં જપ્ત કર્યા છે.

પકડાયેલી મહિલાઓની વિગત:

1. કીરણબેન હસમુખભાઈ સાવલીયા (ઉ.વ. 44)

2. જોશનાબેન પ્રવીણભાઈ કનખરા (ઉ.વ. 62)

3. પુષ્પાબેન મનીષભાઈ ચાવડા (ઉ.વ. 56)

4. સવીતાબેન માલદેભાઈ નંદાણીયા (ઉ.વ. 55)

5. અસ્મીતાબેન રજનીભાઈ ભુવા (ઉ.વ. 48)

સીટી એ-ડિવિઝનના પોલીસ કોન્સ્ટેબલ અને તેમની ટીમ દ્વારા આ સફળ કામગીરી પાર પાડવામાં આવી હતી. પોલીસે તમામ પાંચેય મહિલાઓની અટકાયત કરી તેઓની વિરુદ્ધ જુગારધારા કલમ 12 મુજબ ગુનો નોંધી આગળની કાયદેસરની કાર્યવાહી શરૂ કરી છે. રહેણાંક અને જાહેર વિસ્તારોમાં જુગારની પ્રવૃત્તિઓ ડામવા માટે પોલીસ આગામી દિવસોમાં પણ આવી રેઇડ ચાલુ રાખશે તેવા સંકેત આપ્યા છે.