સિટી ન્યુઝ @ નવી દિલ્હી 

બોલિવૂડ અભિનેતા ટાઈગર શ્રોફ પર તાજેતરમાં થયેલા જાનલેવા ફાયરિંગ કેસમાં હરિયાણા પોલીસને મોટી સફળતા હાંસલ થઈ છે. પોલીસે આ હાઈ-પ્રોફાઈલ કેસમાં વધુ એક આરોપી સમીરની ધરપકડ કરી લીધી છે. તપાસ દરમિયાન ખુલાસો થયો છે કે આ સમીરે જ કેલિફોર્નિયામાં બેઠેલા લોરેન્સ ગેંગના ગેંગસ્ટર અનિલ પંડિત સાથે મુખ્ય આરોપીઓની વાત કરાવી હતી.

મુખ્ય આરોપી રેયાન ઉર્ફે સુક્કાને આ ઘૃણાસ્પદ કૃત્યને અંજામ આપવા માટે માત્ર 35 હજાર રૂપિયા અને વિદેશમાં સેટલ થવાનું પ્રલોભન આપવામાં આવ્યું હતું. આરોપીઓ જગ્ગી એપ દ્વારા અનિલ પંડિતના સંપર્કમાં રહેતા હતા, જ્યાં કોઈ ઓળખ આપવાની જરૂર પડતી નહોતી. તેમને હથિયાર આપવા કોઈ વ્યક્તિ આવી નહોતી, પરંતુ કચરાપેટી પાસેથી હથિયાર મેળવી લેવાની ચોક્કસ સૂચના અપાઈ હતી.

આ મામલે રેપિડો કંપનીએ સ્પષ્ટતા કરી છે કે કેસ સાથે જોડાયેલ એક શખ્સ અગાઉ તેમની સાથે કેપ્ટન તરીકે રજિસ્ટર્ડ હતો, પરંતુ ઘટનાના દિવસે તેણે માત્ર એક ગ્રાહક તરીકે જ રેપિડો સેવાઓનો ઉપયોગ કર્યો હતો અને કંપની પોલીસ તપાસમાં સંપૂર્ણ સહયોગ કરી રહી છે.

ઘટનાને અંજામ આપ્યા બાદ મુખ્ય ત્રણ આરોપીઓ રેયાન, ફૂલ સિંહ અને રિતિક મુંબઈના અંધેરી રેલવે સ્ટેશનથી પુણે-જયપુર એક્સપ્રેસ દ્વારા નેપાળ ભાગી જવાની ફિરાકમાં હતા. જોકે, માત્ર 24 કલાકની અંદર જ પોલીસે ત્વરિત કાર્યવાહી કરીને ત્રણેય આરોપીઓને રાજસ્થાનના કોટામાંથી ઝડપી લીધા હતા.

મુંબઈ લાવ્યા બાદ આ તમામ આરોપીઓની વધુ કડક પૂછપરછ કરવામાં આવશે અને આંતરરાષ્ટ્રીય ગેંગના અન્ય નેટવર્કનો પર્દાફાશ કરવામાં આવશે. બોલિવૂડ સ્ટાર્સની સુરક્ષા અને ગેંગસ્ટરોની વધતી ગતિવિધિઓને લઈને આ કેસ અત્યંત સંવેદનશીલ બન્યો છે.

ગેંગસ્ટરોનું નાનું નેટવર્ક અને બોલિવૂડ સેલેબ્સની સુરક્ષા પર સવાલ

માત્ર 35 હજાર રૂપિયા અને વિદેશમાં સેટલ થવાના લાલચમાં યુવાનો કઈ રીતે અપરાધની દુનિયામાં ધકેલાઈ રહ્યા છે, તેનું આ એક જીવંત ઉદાહરણ છે. ટાઈગર શ્રોફ જેવા અભિનેતા પર ફાયરિંગ કરનાર આરોપીઓ વિદેશી હેન્ડલર્સના ઈશારે જગ્ગી જેવી એપ્સનો ઉપયોગ કરીને પોલીસને ચક