• સિટી ન્યુઝ @ નવી દિલ્હી

મુખ્ય ચૂંટણી કમિશનર જ્ઞાનેશ કુમાર સામે મોરચો માંડીને બેઠેલી કોકરોચ જનતા પાર્ટીના નેતાઓ આજે સવારે દિલ્હીના પ્રતિબંધિત જંતર-મંતર વિસ્તારમાં અચાનક પહોંચી જતાં રાજધાનીમાં ફરી રાજકીય ગરમાવો આવી ગયો છે.

કેન્દ્ર સરકારે જંતર-મંતરને વિરોધ પ્રદર્શન સ્થળોની સત્તાવાર યાદીમાંથી હટાવી દીધું હોવા છતાં, CJP નેતાઓ સૌરવ દાસ અને આશુતોષ રાંકા સુરક્ષા વ્યવસ્થાને ચકમો આપીને અંદર પ્રવેશી ગયા હતા.

આજે સવારે આશરે 9 વાગ્યાની આસપાસ CJPના આ વરિષ્ઠ નેતાઓ પોતાના કેટલાક સમર્થકો સાથે પરિસરમાં દાખલ થયા હતા અને અટકાયત થાય તે પહેલાં આશુતોષ રાંકાએ સોશિયલ મીડિયા પર વીડિયો શેર કર્યો હતો.

આ વીડિયોમાં તેઓ રાષ્ટ્રધ્વજ સાથે "જ્ઞાનેશ કુમાર રાજીનામું આપો"ના નારા લગાવતા નજરે પડ્યા હતા, જે દરમિયાન જ તૈનાત દિલ્હી પોલીસે દોડી આવીને તેમની અટકાયત કરી લીધી હતી.

ઉલ્લેખનીય છે કે અગાઉ 10 ઓક્ટોબરના રોજ પણ એરપોર્ટ પરથી આ નેતાઓની અટકાયત કરવામાં આવી હતી, છતાં તેઓએ આજે ફરી એકવાર જંતર-મંતર પહોંચીને વિરોધ પ્રદર્શન કરવાનો પ્રયાસ કર્યો હતો.

જંતર-મંતર પર નેતાઓની હાઈવોલ્ટેજ એન્ટ્રી

સરકાર દ્વારા જંતર-મંતરને વિરોધ પ્રદર્શનની અધિકૃત યાદીમાંથી રદ કરી દેવા છતાં કોકરોચ જનતા પાર્ટીના નેતાઓએ સુરક્ષા વ્યવસ્થાને ભેદીને અંદર પ્રવેશ મેળવ્યો હતો. ચૂંટણી કમિશનર સામે મોરચો માંડીને બેઠેલા આ નેતાઓએ નારેબાજી શરૂ કરતા જ દિલ્હી પોલીસે ત્વરિત કાર્યવાહી કરીને તેમની અટકાયત કરી લીધી હતી, જે રાજધાનીમાં ચર્ચાનો વિષય બન્યો છે.