કાવ્યા મારન આઈપીએલ ફ્રેન્ચાઈઝી સનરાઇઝર્સ હૈદરાબાદની સીઈઓ અને કો-ઓનર છે, જેની વ્યક્તિગત સંપત્તિ અંદાજે 409 કરોડ રૂપિયા છે. કાવ્યાએ સ્ટેલા મારિસ કોલેજમાંથી બીકોમ અને યુકેની વારવિક બિઝનેસ સ્કૂલમાંથી એમબીએ કર્યું છે. તે 2019થી સન ટીવી નેટવર્કમાં એક્ઝિક્યુટિવ ડિરેક્ટર તરીકે જવાબદારી સંભાળી રહી છે અને સનરાઇઝર્સ હૈદરાબાદની કમાન પણ સંભાળે છે.

કાવ્યાના પિતા અને બિઝનેસમેન કલાનિધિ મારનની કુલ સંપત્તિ આશરે 24,600 કરોડ રૂપિયા છે. હુરુન ઈન્ડિયા રિચ લિસ્ટ 2026માં તેઓ 146મા ક્રમે રહ્યા હતા. સન ટીવી નેટવર્ક દેશના સૌથી મોટા મીડિયા સામ્રાજ્યોમાં ગણાય છે, અને સનરાઇઝર્સ હૈદરાબાદ આઈપીએલની ચોથી સૌથી મોંઘી ટીમ છે જેની વેલ્યુ 17,500 થી 18,400 કરોડ વચ્ચે છે.

અગાઉ જૂન 2025માં રેડિટ પર બંનેના સંબંધો અને ડેટિંગ અંગેની અફવાઓ વહેતી થઈ હતી, જો કે તે સમયે અનિરુદ્ધે સોશિયલ મીડિયા પર મજાકિયા અંદાજમાં આ અફવાઓનું ખંડન કર્યું હતું. પરંતુ હવે મુખ્યમંત્રી કાર્યાલય દ્વારા લગ્નની પુષ્ટિ થતાં આ ચર્ચાઓ પર પૂર્ણવિરામ મુકાઈ ગયું છે.

અનિરુદ્ધ રવિચંદર 'વ્હાય ધીસ કોલાવેરી ડી' જેવા સુપરહિટ ગીતોથી વૈશ્વિક સ્તરે પ્રખ્યાત થયા છે. હાલમાં તેઓ ભારતના સૌથી વધુ કમાણી કરનાર સિંગર અને મ્યુઝિક ડાયરેક્ટર છે, જેઓ એક આલ્બમ દીઠ આશરે 10 કરોડ રૂપિયા ફી લે છે. આ દિગ્ગજ જોડીના લગ્નને લઈને ચાહકોમાં ભારે ઉત્સાહ જોવા મળી રહ્યો છે.

સંગીત અને ક્રિકેટના દિગ્ગજોનો શાહી સંગમ: અનિરુદ્ધ અને કાવ્યાના લગ્નની ચર્ચા

સાઉથ ફિલ્મ ઈન્ડસ્ટ્રીના મ્યુઝિક સેન્સેશન અનિરુદ્ધ રવિચંદર અને આઈપીએલ ટીમની સફળ CEO કાવ્યા મારન વચ્ચેના લગ્ન માત્ર 2 સેલિબ્રિટીઝનું મિલન નથી, પરંતુ મનોરંજન અને બિઝનેસ જગતનો એક અદભુત સંગમ છે. અંદાજે 24,000 કરોડ રૂપિયાથી વધુના બિઝનેસ સામ્રાજ્ય સાથે જોડાયેલી કાવ્યા મારન અને કરોડો યુવાનોના દિલ પર રાજ કરનાર અનિરુદ્ધના આ લગ્ન વર્ષ 2026ના સૌથી ચર્ચિત અને ભવ્ય લગ્નોમાં સ્થાન પામશે.