સિટી ન્યુઝ @ સુરત 

સુરત જિલ્લાના પલસાણા તાલુકાના વણેસા ગામે વન્યજીવ સૃષ્ટિની એક અત્યંત દુર્લભ અને રોમાંચક ઘટના સામે આવી છે, જ્યાં માત્ર અઢી ફૂટના એક નોળિયાએ અઢી વર્ષની દીપડી સામે પડકાર ફેંકીને તેને પીછેહટ કરવા મજબૂર કરી દીધી હતી.

ઘટનાની વિગતો મુજબ, વણેસા ગામના ગૌચર કે પડતર વિસ્તારમાં એક દીપડી શિકારની તલાશમાં બેઠી હતી અને તેણે નોળિયા પર તરાપ મારવાનો પ્રયાસ કર્યો હતો, પરંતુ નોળિયાએ વળતો પ્રહાર કરીને દીપડીને મોઢાથી પકડીને બે ગુલાટી ખવડાવી દીધી હતી.

આ લગભગ ચારથી પાંચ મિનિટ સુધી ચાલેલો અદ્ભુત મુકાબલો 'ફ્રેન્ડ્સ ઓફ એનિમલ્સ વેલ્ફેર ટ્રસ્ટ'ના જતીન રાઠોડ દ્વારા પોતાના કેમેરામાં આખી ઘટના કેમેરામાં કેદ કરવામાં આવ્યો હતો, જે કદાચ ગુજરાતની પ્રથમ ઘટના હોવાનું મનાય છે.

સુરત ડીસીએફ ધીરજ કુમારે આ અંગે સ્પષ્ટતા કરતા જણાવ્યું હતું કે નવા અને ઓછા અનુભવ ધરાવતા 'સબ-અડલ્ટ' દીપડાઓ ઘણીવાર આવા નાના પ્રાણીઓનો શિકાર કરવા જતા અફળ રહેતા હોય છે, અને નોળિયાની ઝડપી હલનચલનને કારણે દીપડીએ શિકાર છોડીને ભાગવું પડ્યું હતું.

દક્ષિણ ગુજરાતમાં દીપડાઓની વધતી વસવાટ અને વન વિભાગ દ્વારા તેમને જંગલમાં જ પૂરતો ખોરાક મળી રહે તે માટે કરાઈ રહેલા પ્રયાસો વચ્ચે આ રોમાંચક ઘટનાએ વન્યજીવ પ્રેમીઓમાં ભારે આશ્ચર્ય અને કુતૂહલ જગાવ્યું છે.

વસવાટ અને વન્યજીવોના આશ્ચર્યજનક વ્યવહારો

કુદરતી આવાસમાં રહેતા વન્યજીવો વચ્ચે અવારનવાર ખોરાક અને ક્ષેત્રને લઈને સંઘર્ષ થતા હોય છે. કદમાં નાના પ્રાણીઓ પણ પોતાની ચપળતા, બહાદુરી અને આત્મરક્ષણની કુશળતાને કારણે મોટા શિકારીઓ સામે સફળતાપૂર્વક જીવ બચાવી શકતા હોય છે. આ ઘટના સાબિત કરે છે કે પ્રકૃતિમાં કદ કરતાં સાહસ અને ઝડપ ઘણીવાર નિર્ણાયક સાબિત થતા હોય છે.