સિટી ન્યુઝ @ નવી દિલ્હી 

કેન્દ્રીય મોટર વાહન એક્ટ-1989 માં મોટા ફેરફાર કરીને કેન્દ્રના માર્ગ અને પરિવહન મંત્રાલયે 100 ટકા ઈથેનોલથી ચાલતા વાહનોને સત્તાવાર મંજૂરી આપી દીધી છે, જેનાથી દેશમાં ગ્રીન ફ્યુઅલ અને ફ્લેક્સ-ફ્યુઅલ વાહનોનો નવો યુગ શરૂ થશે.

આ વર્ષે જૂનમાં મારૂતિ-સુઝીકી દ્વારા વેગન આર ફ્લેક્સ ફ્યુઅલ લોન્ચ કરવા સાથે શરૂ થયેલા આ ટ્રેન્ડમાં હવે ટોયોટા, ટાટા અને હ્યુન્ડાઈ જેવી કંપનીઓ પણ 100 ટકા ઈથેનોલ ફ્યુઅલ એન્જિનવાળા મોડલ્સ પર કામ કરી રહી છે.

નવા નોટિફિકેશન મુજબ હળવા વાહનોની વજન મર્યાદા 3000 કિલોથી વધારીને 3500 કિલો કરી દેવાઈ છે, તેમજ બાયોડીઝલ (બી-100) અને હાઈડ્રોજન-સીએનજી કોમ્બિનેશનવાળા વાહનોને પણ પ્રોત્સાહન આપવામાં આવી રહ્યું છે.

જોકે, ઈથેનોલ બનાવવા માટે શેરડી, ખાંડ અને મકાઈનો ઉપયોગ થતો હોવાથી નિષ્ણાતો આશંકા વ્યક્ત કરી રહ્યા છે કે તેનાથી દેશમાં ખાંડ અને મકાઈના ભાવ આસમાને પહોંચી શકે છે.

વિશ્વમાં અત્યાર સુધી માત્ર બ્રાઝિલમાં જ 100 ટકા ઈથેનોલ અને ફ્લેક્સ ફ્યુઅલનું ઈન્ફ્રાસ્ટ્રક્ચર ઉપલબ્ધ છે, ત્યારે ભારતે પણ આ દિશામાં મોટું પગલું ભરીને વૈશ્વિક સ્તરે મજબૂત પહેલ કરી છે.

ભારતની નવી ઈ-૧૦૦ ઈથેનોલ પૉલિસી અને તેના પ્રભાવો

કેન્દ્ર સરકાર દ્વારા મોટર વાહન એક્ટમાં સુધારો કરીને ૧૦૦ ટકા ઈથેનોલથી ચાલતા વાહનોને મંજૂરી આપવી એ દેશના ઊર્જા ક્ષેત્રે એક ક્રાંતિકારી પગલું છે. ક્રૂડ ઓઈલની આયાત પર નિર્ભરતા ઘટાડવા અને પ્રદૂષણ નિયંત્રણ માટે આ નિર્ણય અત્યંત મહત્વનો છે. જોકે, બીજી તરફ શેરડી અને મકાઈ જેવા ખાદ્ય પદાર્થોમાંથી ઈથેનોલ બનાવવાના કારણે ખાંડ તથા અનાજના ભાવો પર વધારાનું દબાણ આવી શકે છે, જે મોંઘવારી વધારી શકે છે. બ્રાઝિલની જેમ ભારતે પણ આ પૉલિસી સફળ બનાવવા માટે મજબૂત ઈન્ફ્રાસ્ટ્રક્ચર વિકસાવવું પડશે અને અન્નદાતાઓ તથા ઉદ્યોગ વચ્ચે યોગ્ય સંતુલન જાળવવું પડશે.