સિટી ન્યુઝ @ વડોદરા : એરક્રાફ્ટ મેન્ટેનન્સ એન્જિનિયરિંગ (AME) શિક્ષણ ક્ષેત્રે ઉત્કૃષ્ટ યોગદાન આપવા બદલ ગુજરાતની સૌપ્રથમ સંસ્થા એનડીસી ઇન્સ્ટિટ્યૂટને લંડનના ઐતિહાસિક યુકે હાઉસ ઓફ લોર્ડ્સ ખાતે યોજાયેલા 'ઇન્ડો-યુકે લીડરશીપ કોન્ક્લેવ-2026'માં પ્રતિષ્ઠિત એવોર્ડથી સન્માનિત કરવામાં આવી છે.

વર્તમાન સમયમાં ભારત વિશ્વનું ત્રીજું સૌથી મોટું ડોમેસ્ટિક એવિએશન માર્કેટ બનવાની સાથે સૌથી ઝડપથી વિકસતું ક્ષેત્ર બની ગયું છે, જેના કારણે આગામી સમયમાં વિમાની કાફલાની જાળવણી માટે મોટી સંખ્યામાં ટેક્નિશિયનોની જરૂર પડશે.

વડોદરાના વાઘોડિયા રોડ પર કાર્યરત આ સંસ્થાના ચીફ ઇન્સ્ટ્રક્ટર ચેતન નાયકના જણાવ્યા મુજબ, તાજેતરની વિમાન દુર્ઘટનાઓના વિશ્લેષણ બાદ એરક્રાફ્ટ એન્જિનિયર્સની ભૂમિકા અને માંગ વૈશ્વિક સ્તરે વધુ મહત્વપૂર્ણ બની ગઈ છે.

આ સંસ્થા દ્વારા 3 વર્ષ એટલે કે કુલ 2,400 કલાકનો લાયસન્સ બેઝ્ડ કોર્સ પૂરો પાડવામાં આવે છે, જેમાં તાલીમ બાદ વિદ્યાર્થીઓને આકર્ષક રોજગારીની તકો મળે છે.

કોર્સ પૂર્ણ કર્યા બાદ શરૂઆતમાં અંદાજે 25 હજાર રૂપિયાથી શરૂ થતો પગાર અનુભવ અને લાયસન્સના આધારે ટૂંકા સમયમાં વધીને 1.20 લાખ રૂપિયા સુધી પહોંચી શકે છે, જે યુવાનો માટે ઉત્તમ કરિયર વિકલ્પ છે.

એવિયેશન ક્ષેત્રે એરક્રાફ્ટ મેન્ટેનન્સ એન્જિનિયરિંગનું વધતું મહત્ત્વ

ભારતમાં એવિએશન ઉદ્યોગના બેફામ વધારા સાથે એરક્રાફ્ટ મેન્ટેનન્સ એન્જિનિયર્સ (AME) ની માંગ પણ આકાશ આંબી રહી છે. વડોદરાની એનડીસી ઇન્સ્ટિટ્યૂટને લંડનમાં મળેલી વૈશ્વિક સ્વીકૃતિ દર્શાવે છે કે ભારતીય સંસ્થાઓ આધુનિક તકનીકી શિક્ષણમાં કેવું શાનદાર પ્રદર્શન કરી રહી છે. વિમાનોની સલામતી અને જાળવણી માટે અત્યંત કુશળ એન્જિનિયરોની જરૂરિયાત રહેતી હોય છે, અને આ ક્ષેત્રે માત્ર રોજગારી જ નહીં પરંતુ આર્થિક રીતે પણ ખૂબ જ આકર્ષક સંભાવનાઓ રહેલી છે. યુવાનો માટે આ એક નવો અને ઉજ્જવળ માર્ગ ખૂલ્યો છે જે દેશના એવિયેશન સેક્ટરને વધુ મજબૂતી પ્રદાન કરશે.