PGVCLએ ભરતીના કરતાં 6000 ઉમેદવારનાં ભવિષ્ય અધ્ધરતાલ, રાજકોટમાં વિદ્યાર્થીઓએ કરી ઉગ્ર રજૂઆત

રાજકોટ PGVCL કચેરી દ્વારા ઇલેક્ટ્રિક આસિસ્ટન્ટની ભરતી માટેની પરીક્ષા લેવામાં આવી હતી. જેમાં 6,000થી વધુ ઉમેદવારોએ પરીક્ષા આપી હતી. જોકે ખાલી જગ્યાઓ મુજબ ભરતી કરવામાં ન આવતા આજે 150થી વધુ પરીક્ષાર્થી PGVCL કચેરીએ રજૂઆત કરવા પહોંચ્યા હતા. પરીક્ષાર્થીઓએ મુખ્ય ઇજનેરને રજૂઆત કરી કે RTIમાં મળેલી માહિતી મુજબ 8 ડિવિઝનમાં 361 જગ્યાઓ ખાલી હોવા છતાં ભરતી કેમ થતી નથી?, આ બાબતે મુખ્ય ઇજનેરે જવાબ આપ્યો કે, મહેકમ મુજબ 5 રાઉન્ડમાં ભરતી થઈ છે. હાલ કોઈ જગ્યા ખાલી નથી. જ્યારે આસિસ્ટન્ટ જનરલ મેનેજર એ.આર કટારાએ કહ્યું હતું કે RTIમાં અપાયેલી માહિતી ખોટી પણ હોઈ શકે છે, જેથી આ બાબતે તપાસ કરવામાં આવશે અને ખોટી માહિતી આપનાર સામે પગલાં ભરવામાં આવશે