રાજકોટ સિવિલ અધીક્ષકની ચેમ્બરમાં મહિલાકર્મીએ 4 રીલ બનાવી ઇન્સ્ટાગ્રામ પર મૂકતા વિવાદ

રાજકોટ સિવિલ હોસ્પિટલ વારંવાર વિવાદોમાં આવતી હોય છે, ત્યારે ફરી એકવાર મહિલા કર્મચારીએ બનાવેલી રીલના કારણે સિવિલ હોસ્પિટલ ચર્ચામાં આવી છે. એમાં સિવિલમાં ફરજ બજાવતા નેશનલ હેલ્થ મિશનના મહિલા કર્મચારીએ તબીબી અધીક્ષકની ચેમ્બરમાં એક નહીં, પરંતુ 4-4 રીલ બનાવી પોતાના ઈન્સ્ટાગ્રામ એકાઉન્ટમાં મૂકતાં વિવાદ સર્જાયો છે. ત્યારે સમગ્ર મામલે રાજકોટ સિવિલ સર્જન ડો. આર.એસ ત્રિવેદીએ આ તપાસના આદેશ આપ્યા છે. તો બીજી તરફ રીલ બનાવનારી મહિલાએ પોતાનો બચાવ કર્યો હતો અને કહ્યું હતું કે ઇન્સ્ટાગ્રામમાં જે એકાઉન્ટ છે એ મારું પર્સનલ છે.