રાજકોટના એઈમ્સ હોસ્પિટલમાં ટૂંક સમયમાં આઈપીડીની સેવા શરુ કરવામાં આવશે. 250 બેડ અને 4 ઓપરેશન થિયેટર સાથે IPD શરુ કરાશે. તો પ્રતિ બેડનો ચાર્જ 20 થી 25 રુપિયા રાખવામાં આવશે. તો IPDની સેવા PMના હસ્તે શરુ કરવા માટે સમય માગવામાં આવ્યો છે. રાજકોટની એઈમ્સ હોસ્પિટલમાં ઓછા ખર્ચે ડિજીટલ એક્સ રે થઈ શકશે. તો ઇન્ડોર હોસ્પિટલ શરૂ થતા હોસ્પિટલમાં જનરલ સર્જરી, માઇનોર ઓટી, સગર્ભા મહિલાઓની પ્રસુતિ, ઓર્થોપેડિક ઓપરેશન, હાર્ટના દર્દીઓની સારવાર સહિતની સુવિધાઓ ઉપલબ્ધ થઇ શકશે. આ ઉપરાંત દર્દીઓને ડિજીટલ એક્સ રેની સુવિધા પણ ઉપલબ્ઘ થશે. દર્દીઓને માત્ર 150 રૂપિયામાં ડિજીટલ એક્સ રેની સુવિધા મળશે.આ તમામ સેવાઓ ટૂંકાગાળામાં જ શરુ થશે. જેના પગલે મોટાભાગના દર્દીઓને લાભ થશે.
