238 કોલેજોમાં ટ્રાફિક વિશે સીલેબસ ચાલશે પોલીસ અને સૌરાષ્ટ્ર યુનિ.એ એમઓયુ કર્યા

સૌરાષ્ટ્ર યુનિ.ની હસ્તકની 238 કોલેજોમાં ટ્રાફિક વિશે સીલેબસ ચાલશે. પોલીસ અને સૌરાષ્ટ્ર યુનિ.એ આ અંગે  એમઓયુ કર્યા છે. આજે સૌરાષ્ટ્ર યુનિ. અને રાજકોટ શહેર પોલીસે સંયુકત પ્રેસ કોન્ફરન્સ કરી આ અંગેની જાહેરાત કરી હતી. જેમાં પોલીસ કમિશ્નર રાજુ ભાર્ગવે જણાવ્યું હતું કે, શહેરમાં ટ્રાફિક સમસ્યા પોલીસ માટે પડકારરૂપ છે. શહેરીજનો પણ આ સમસ્યાથી પરેશાન છે ત્યારે સમસ્યાનો હલ કરવા માટે અને ટ્રાફિક પ્રત્યે ખાસ કરીને યુવાનોમાં જાગૃતતા આવે તે માટે સૌરાષ્ટ્ર યુનિ. હસ્તકની 238 કોલેજોમાં ટ્રાફિક અવેરનેસ કોર્ષ ચલાવવા નિર્ણય લેવાયો છે.