સુરતના સચિન વિસ્તારમાં આવેલી ગુજરાત ગ્રામીણ બેંકની શાખામાં બે દિવસ પહેલા ધોળે દિવસ થયેલી પોણા ચાર લાખની લૂંટનો ભેદ ઉકેલાયો છે પિસ્તોલની અણીએ લૂંટને અંજામ આપનારા લૂંટારુંને પોલીસે દબોચી લીધો છે લૂંટારુ એમેઝોન પ્રાઈમ ડિલિવરીની ફ્રેન્ચાઈઝી લેવા માગતો હતો, જેના માટે 10થી 12 લાખ રૂપિયાની જરુરિયાત હતી એટલે પોતાના ઘર નજીક આવેલી બેંકમાં જ લૂંટ કરી હતી આરોપી ફ્રેન્ચાઈઝી લઈ દર મહિને 80થી 90 લાખ રૂપિયા કમાવવાના સપના જોતો હતો સુરત ક્રાઇમ બ્રાન્ચે આરોપી નાજીસ ઉર્ફે બબલુ મોહમદ સનાઉલ્લાહ શેખને પિસ્તોલ, કારતૂસ અને લૂંટની રકમ સાથે ઝડપી પાડી કેસનો ભેદ ઉકેલી નાખ્યો છે. આરોપી મૂળ બિહારના ચંપારણ જિલ્લાના ફુલવરીયા ગામનો છે અને હાલ સચિન ખાતે રહે છે.
