રાજકોટ, તા. 10 જૂન 2025: શેરબજારમાં રોકાણકારોને રાતોરાત માલામાલ કરનારા મલ્ટીબેગર શેરોની ચર્ચા હંમેશા રહે છે. આવો જ એક દમદાર સ્ટોક એટલે KEI ઇન્ડસ્ટ્રીઝનો શેર, જેણે પાંચ વર્ષમાં રોકાણકારોને 1000% થી વધુનું તોતિંગ વળતર આપીને કરોડપતિ બનાવ્યા છે!
₹11 થી ₹5000 સુધીની સફર!
વાયર, સ્ટેનલેસ સ્ટીલ વાયર અને EPC પ્રોજેક્ટ્સ પર કામ કરતી આ કંપનીનો શેર ગયા અઠવાડિયાના છેલ્લા ટ્રેડિંગ દિવસે (શુક્રવારે) 52 અઠવાડિયાની ઊંચી સપાટીએ પહોંચીને 5% ના ઉછાળા સાથે ₹571.05 ના સ્તરે બંધ થયો હતો. જોકે, આ શેરની 52 અઠવાડિયા પહેલાની કિંમત માત્ર ₹11 હતી!
આ શેરની લાંબા ગાળાની ગ્રોથ સ્ટોરી વધુ પ્રભાવશાળી છે. પાંચ વર્ષ પહેલા, એટલે કે જૂન 2020 માં, KEI ઇન્ડસ્ટ્રીઝનો શેર લગભગ ₹300 પર ટ્રેડ થઈ રહ્યો હતો, જે જૂન 2024 માં ₹5000 થી પણ ઉપર ગયો હતો. હાલમાં, તેમાં 22% નો ઘટાડો થયા બાદ તે લગભગ ₹3,748 પર ટ્રેડ થઈ રહ્યો છે.
એનાલિસ્ટનો વિશ્વાસ અકબંધ:
વર્ષ 2025 ની શરૂઆતથી આ શેર લગભગ 20% ઘટ્યો હોવા છતાં, રોકાણકારો અને એનાલિસ્ટનો તેના પરનો વિશ્વાસ ડગમગ્યો નથી. 21 માંથી 17 એનાલિસ્ટ હજુ પણ KEI ઇન્ડસ્ટ્રીઝ પર ‘Buy’ રેટિંગ આપી રહ્યા છે. 12 મહિનાનો સરેરાશ લક્ષ્યાંક ₹3853 છે, જે વર્તમાન ભાવથી 3% નો અપસાઇડ (વૃદ્ધિની શક્યતા) બતાવે છે.
KEI ની કમાણીની સ્પીડ અને ભવિષ્યના અંદાજ:
KEI ઇન્ડસ્ટ્રીઝ ત્રણ મુખ્ય સેગમેન્ટમાં કાર્યરત છે: કેબલ્સ અને વાયર, સ્ટેનલેસ સ્ટીલ વાયર અને EPC પ્રોજેક્ટ્સ. કંપની પાસે આઠ મેન્યુફેક્ચરિંગ પ્લાન્ટ છે, અને નાણાકીય વર્ષ 2025 માં વેચાણનો 13% હિસ્સો નિકાસમાંથી આવ્યો હતો. માર્ચ 2025 સુધીમાં કંપની પાસે ₹810 કરોડની નિકાસ ઓર્ડર બુક હતી, જે તેની વૈશ્વિક માંગ દર્શાવે છે.
છેલ્લા પાંચ વર્ષમાં કંપનીની આવક ₹4185 કરોડથી બમણી થઈને ₹9722 કરોડ થઈ છે, જ્યારે ચોખ્ખો નફો પણ ₹270 કરોડથી વધીને ₹696 કરોડ થયો છે.
એનાલિસ્ટોનો અંદાજ છે કે નાણાકીય વર્ષ 2026 અને 2027 માં કંપનીની આવક વૃદ્ધિ લગભગ 18% અને 19% હોઈ શકે છે. Jefferies નું કહેવું છે કે કંપનીની કમાણી આગામી ત્રણ વર્ષમાં 31% ના દરે વધી શકે છે, ખાસ કરીને રિટેલ સેગમેન્ટના મજબૂત યોગદાનને કારણે.
માર્કેટમાં વધતા પડકારો:
જોકે, KEI સામે કેટલાક પડકારો પણ છે. અલ્ટ્રાટેક સિમેન્ટ જેવી મોટી કંપની હવે વાયર બિઝનેસમાં પ્રવેશવાની તૈયારી કરી રહી છે, જેનું ડિસ્ટ્રીબ્યુશન નેટવર્ક અને કોન્ટ્રાક્ટરો સાથેના સંબંધો પહેલેથી જ મજબૂત છે. આ સ્થિતિ વર્ષ 2027 સુધીમાં KEI, પોલીકેબ, હેવેલ્સ જેવા દિગ્ગજો માટે સ્પર્ધા ઉભી કરી શકે છે. ઉપરાંત, વાયર મેન્યુફેક્ચરિંગમાં વપરાતા તાંબાના ભાવ આંતરરાષ્ટ્રીય બજાર સાથે જોડાયેલા છે, અને તેમાં થતી અસ્થિરતા KEI ના માર્જિનને અસર કરી શકે છે.
(DISCLAIMER: શેરબજારમાં રોકાણ જોખમને આધીન છે. આ આર્ટિકલ માત્ર માહિતીના હેતુ માટે છે અને કોઈપણ રોકાણ કરતા પહેલા તમારા નાણાકીય સલાહકારની સલાહ લેવી હિતાવહ છે. ‘સિટી ન્યૂઝ’ કોઈ પણ રોકાણના નુકસાન માટે જવાબદાર રહેશે નહીં.)
